Umha imensa maré vermelha permitiu umha nova vitória das forças
revolucionárias bolivarianas encabeçadas polo PSUV nas eleiçons de onte
domingo, 16 de dezembro, que elegiam os parlamentos regionais e @s governadores/as.
Este processo eleitoral constatou um claro avanço das forças populares,
patrióticas, anti-imperialistas e socialistas, tam só dous meses depois da
reeleiçom de Hugo Chávez como presidente da República Bolivariana da Venezuela.
AGARB congratula-se por esta indiscutível vitória, pois sem lugar a dúvidas
representa o melhor presente do povo venezuelano para com o comandante Hugo
Chávez, convalecente em Cuba da última intervençom cirúrgica a que foi
submetido para lograr o seu pleno restabelecimento.
GPP triunfou em 20 dos 23 estados, logrando recuperar à oposiçom os estados
do Zúlia, Carabobo, Táchira e Nova Esparta.
Anzoátegui, Apure, Aragua, Barinas, Bolívar, Cojedes, Delta Amacuro,
Falcón, Guárico, Mérida, Monagas, Portuguesa, Sucre, Trujillo, Vargas e Yaracuy
ratificárom a sua adesom o processo
bolivariano.
Lamentamos que a oposiçom logre manter, embora por umha por estreita margem
de votos, Amazonas, Miranda e Lara.
AGARB quer transmitir o povo bolivariano, as suas organizaçons revolucionárias,
o governo da República Bolivariana da Venezuela, ao comandante Hugo Chávez a
sua enorme satisfaçom por esta nova vitória sobre a reaçom e o imperialismo.
Até a vitória sempre!
Pátria, Socialismo ou morte!
Galiza, 17 de dezembro de 2012