AGARB

Intervençom de Xavier Moreda, coordenador geral da AGARB, no Dia Nacional da Venezuela

2011-07-06T07:19:00.000-07:00

Amigos, amigas, camaradas, compatriotas:

Hoje estamos celebrando o duzentos aniversário da assinatura da Ata da Declaraçom da Independência da Venezuela frente a Espanha, no dia 5 de Julho de 1811.

Queremos assinalar com este ato a importância desta efeméride na luita pola independência dos povos da América Latina e as Caraíbas, e manifestar também o apoio da AGARB ao rol anti-imperialista que hoje cumpre o processo em curso na República Bolivariana da Venezuela.

Porém, o bicentenário é interpretado entre nós, e propriamente na Nossa América, como o inicio dum projeto revolucionário nom só inacabado, diríamos que ainda só estamos nos alvores do início da definitiva independência quando os EUA, -dos que Simom Bolívar, o Libertador dizia: “parecem destinados pola providência para pragar América de miséria em nome da liberdade”, iniciam agora o seu irremediável declínio.

Estas grandes celebraçons: bicentenário das independências, som também as nossas celebraçons e vam ou cumpre que vaiam além todo o que pudesse ser o meramente oficial, longe dos ribombantes ou dos pomposos fastos, devemos por solidariedade internacionalista, fomentar o que há de ser o autêntico sentimento bicentenário que ajude a criar umha valiosa Memória coletiva internacionalista.

Para nós Presidente você fai parte dos e das gloriosas combatentes como Manuelita Sáez, José Martí, Farabundo Martí, Augusto César Sandino, José Gomes Gaioso, Carlos Fonseca, Francisco Camanho, comandante Soutomaior, Henriqueta Outeiro, Tánia, Henrique Líster, Haideé Santamaria, Vilma Espín, Gladys Marín, Manuel Marulanda, Mono Jojoy, Fidel Castro e tantas outras mulheres e homens que luitarom pola liberdade e a emancipaçom dos povos.

Vontades emancipatórias exemplares que desmascaram a todos os comissários do esquecimento, aos aniquiladores e aos que falseiam, aos que sob a estratégia das oligarquias e sobre todo dos EUA capturam, sequestram as imagens dos e das revolucionárias desconhecidas e desconhecidos muitas vezes como fijeram com o Che, mesmo para incorporá-lo a umha esterilizada ideia romántico-comercial.

Nós devemos luitar contra a apropriaçom do Che que tenta apagar a sua intrínseca e simbólica pertença revolucionária a Cuba e a sua liderança revolucionária e a todos os movimentos de libertaçom continentais e bolivarianos. Ao internacionalismo.

Nós, desde a Galiza rebelde e combativa, longe dos pretendidos e pretensiosos sentidos-comuns, achamos vital a diversidade, imprescindivel vacina contra a ideia a qualquer custo da unidade fetiche, da unidade como suposto “bem maior”. Devemos e precisamos, por lealdade revolucionária, ser críticas, ser críticos com os atos contraditórios que nos enchem de perplexidade.

Temos intuiçom, temos olfato revolucionário, incluso ainda que em aparência podemos nom entender por ignorância supostas razons de Estado, que desconhecemos polo miúdo, do que chamamos eufemisticamente alta política, nom podemos respaldar certas medidas recentes adoptadas polo governo bolivariano.

Desde a fraternidade que nos une aos que fôrom entregues ao Estado criminoso colombiano, ao regime narco-para-terrorista presidido por Juan Manuel Santos, nom concordamos e condenamos a colaboraçon com o estado criminoso da Colômbia. Com modéstia revolucionária, mas com a fortaleza moral de sermos umha entidade solidária com a Revoluçom Bolivarina da Venezuela que desde a nossa trincheira chamada Galiza sempre defendimos o processo em curso, solicitamos umha correçom nestas erróneas políticas conciliadoras. Venezuela nom deve entregar a Colômbia a insurgentes nem a pessoas solidárias com a luita do povo colombiano.

Aprezado companheiro comandante-presidente Hugo Chávez Frías, Revoluçom nom entrega a revolucionários!

Liberte ao cantor da liberdade e a justiça social, nom entregue a Julián Conrado.

Hoje os nossos sentimentos com o comandante, finalmente de volta à República Bolivariana da Venezuela, som de apoio fraternal na sua luita, que também á sentimos como nossa, pola plena recuperaçom. As divergências ou as opinions encontradas nom devem nem podem apagar a história vitoriosa do comandante Chávez e os seus valores revolucionários de quem orgulhamo-nos, defendemos e defenderemos.

O processo revolucionário bolivariano deve aprofundar na via socialista, apoiando-se no povo organizado, adoptando as decisons adequadas para avançar no desmantalemento do estado burguês.

Hoje 5 de Julho de 2011, duzentos aniversário da assinatura da Ata da Declaraçom da Independência da Venezuela, como sempre, sabemos que nom chega com a indignaçom. Situamo-nos, mais do que nunca, com os revolucionários e contra a absurda ideia de mudar o mundo sem tomar o poder. Contra essa mesma oligarquía que tenta sequestrar para manipular, ridiculizar, simplificar a imagem distorcida de Hugo Chávez Frias, a mesma que até quase 1998 convertera a Venezuela numha espécie de franquia do imperialismo, a mesma que procurou o terror e a desestabilizaçom da República Bolivariana da Venezuela, a mesma que estava a pensar na fenda aberta em ausência do presidente Chávez com o recrudescimento oportunista da investida da oligarquia que empreendeu umha campanha, mais umha vez, para acabar com o Presidente e o processo revolucionário em curso na República Bolivariana de Venezuela.

Pa´lante Comandante! Parabéns Comandante. Somos muitos e muitas que estamos com você desde a diversidade crítica e revolucionária.

Galiza com a Venezuela!

Pátria, Socialismo ou morte!

Até a vitória sempre!

Galiza comemora bicentenário da independência venezuelana

2011-07-06T07:16:00.001-07:00

Pouco depois das 19.30 horas tinha lugar diante do monólito a Simón Bolívar, situado na rua Venezuela de Vigo, a homenagem da AGARB aos dous séculos do início da gesta independentista venezuelana frente ao imperialismo espanhol.

O cidadao venezuelano residente na Galiza Franklin Méndez Guerra apresentou o ato dando a palavra a Xavier Moreda quem deu leitura ao discurso que juntamos.

O coordenador geral da AGARB ressaltou a importáncia da data na luita pola emancipaçom de Latinoamérica e as Caríbas, e o atual rol anti-imperialista que joga a Revoluçom Bolivariana. Porém também manifestou a necessidade de corrigir o rumo de certas erróneas decisons nas políticas internacionais nom acordes com a orientaçom internacionalista e bolivariana da Revoluçom.

Deste jeito Xavier Moreda, em representaçom da AGARB, manifestou-se contrário à entrega de revolucionários colombianos às autoridades do regime narco-para-terrorista colombiano solicitando a liberdade do comandante guerrilheiro Julián Conrado, atualmente preso na Venezuela. “Nom concordamos e condenamos a colaboraçon com o estado criminoso da Colômbia” afirmou com contundência Moreda.

Posteriormente o coordenador geral da AGARB manifestou que o processo revolucionário bolivariano “deve aprofundar na via socialista, apoiando-se no povo organizado, adoptando as decisons adequadas para avançar no desmantalemento do estado burguês”.

Igualmente manifestou o respaldo da entidade internacionalista à Revoluçom Bolivariana fazendo votos pola pronta recuperaçom do comandante-presidente Hugo Chávez Frías.

Após o canto do hino nacional venezuelano tivo lugar umha oferta floral ao pé do monumento do Libertador.

AGARB comemorará bicentenário da independência venezuelana

2011-06-29T09:16:00.000-07:00

Este 5 de julho tem lugar o 200 aniversário da declaraçom de independência da Venezuela. A Associaçom Galega de Amizade com a Revoluçom Bolivariana organiza às 19 horas da vindoura terça-feira 5 de julho um ato diante do busto de Simón Bolívar, situado na rua Venezuela de Vigo.

O coordenador-geral da AGARB realizará umha intervençom para assinalar a importáncia desta efeméride na luita pola independência dos povos da América Latina e as Caraíbas, e para manifestar o apoio da nossa entidade ao rol anti-imperialista que hoje cumpre o processo em curso na República Bolivariana da Venezuela.

Xavier Moreda destacará a importáncia da solidariedade internacionalista na luita dos povos pola sua plena soberania e emancipaçom social, e a necessidade de manter firmeza e coerência revolucionária à hora de nom colaborar, evocando "razons de estado", com governos criminosos e terroristas como o colombiano.

Posteriormente realizará umha oferta floral ao libertador.

Chávez nem financia nem edita livros

2011-03-22T10:06:00.000-07:00

Lendo hoje os comentários no El Mundo relativamente ao voto negativo de BNG e IU ao ataque criminal contra a Libia, encontro um que liga o voto negativo do BNG ao financiamento de Chávez do «independentismo» galego e á amizade de Gadafi com o presidente venezuelano.

Poderíamos acrescentar mais: o independentismo galego é financiado por Berlusconi, até há dous días íntimo de Gadafi, e um dos accionistas maioritarios de quanta indústria existe em Itália, polo que a Fiat e outras empresas tamém colaboram com o indepemdentismo galego.

Todas estas interaçons e conexons, estrafalárias, venhem dos ventos que semeiam os media, quando tratam o tema venezuelano ou os nacionalismos que eles definem como «periféricos» das naçons sem Estado do Estado espanhol.

O que nom conta, nem sabe, El Mundo sobre Lo gallego de Simón Bolívar, de Xosé Sesto

Reconheçámo-lo: o jornalista todo-o-terreio Herminio Carcacia logrou semear umha pequena tempestade para colher um vento frouxo.

A historia de Lo gallego de Simón Bolívar nasce há mais de 10 anos, quando atopei o livrinho, editado pola Hermandad Gallega de Venezuela, na biblioteca do Colégio Castelao, em Caracas. Falara com o filho de Sesto, o daquela vice-ministro da Cultura, Farruco, solicitándo-lhe a autorizaçom para o reproduzir, ponto que aceitou.

O livro original nasce da solicitude da comunidade galega na Venezuela em 1982, através da pluma do galego-venezuelano Xosé Sesto, de que nom fora derrubada a casa dos devanceiros de Simón Bolívar em Elvinha, na Corunha, o Paço de Penarredonda, onde tinha passado vários días Bolívar com a sua mulher espanhola, María Teresa Toro, antes de embarcar cara à Venezuela em 1802.

A passagem de Bolívar por Penarredonda nom é casual, era a casa dos seus familiares e em 1775 Juan Vicente Bolívar e Ponte, pai do Libertador, estava na Corunha a tentar solicitar todos os bens herdados da sua familia, entre eles o Paço de Penarredonda.

A reivindicaçom do sangue galego e da galeguidade de Bolívar era umha postura revolucionária, depois da sobredimensionada origem basca de Bolívar e a conotaçom pejorativa que do galego há em países como a Venezuela.

O cônsul e amigo David Nieves pediu-me o folheto para a reediçom por parte do Consulado da Venezuela em Vigo, com a intençom de honrar o galeguista Xosé Sesto, quem restaurara a Ata de Independência da Venezuela, de dar a conhecer aos galegos as orígens galegas de Simón Bolívar e de achegar aos venezuelanos que Bolívar nom só tinha raízes em Euskal Herria, mas também na Galiza.

Do interesse do cônsul David Nieves e do labor de confraternidade da Associaçom Galega de Amizade com a Revoluçom Bolivariana e as achegas escritas de Moreda, Morais e Portela nasce a ediçom facsimilar galega de Lo gallego de Simón Bolívar de Xosé Sesto.

Teimosa e equivocadamente, Herminio Carcacia assegura que o livro está escrito em galego reintegrado, quando a realidade é que está escrito em espanhol e só as achegas dos colaboradores forom escritas em galego.

Assegurar que o galego reintegrado nom é «reconocido por ninguna de las instituciones acreditadas» é um alarde de ignoráncia por parte de Carcacía, em primeiro lugar porque nom sabemos que acredita as instituiçons, se calhar o próprio jornalista, e significa desconhecer que na Galiza existe umha Academia Galega da Língua e associaçons como a AGAL, de reconhecido prestígio, como para que Herminio Carcacía decida degradá-las ou desaparecê-las.

A queima da bandeira espanhola que aparece na reportagem, de estar vivo, poderia ser protagonizada polo próprio Simón Bolívar sem nengumha dúvida. O seu Decreto de Guerra a muerte (1813) no qual condenava «espanhóis e canários» com a morte se nom participavam ativamente nas guerras de independência contra a tirania do Império espanhol custaria a Bolívar hoje um preço pola sua cabeça, comparecer perante a Audiência Nacional espanhola e umha condena por terrorismo sem atenuantes.

«Quando ouço a palavra cultura, saco logo a minha pistola»

Nem ser independentista nem republicano, agora, é delito no Estado espanhol. O Consulado da Venezuela em Vigo depende administrativamente doMinisterio del Poder Popular para Relaciones Exteriores da República Bolivariana da Venezuela, razom pola qual este Ministério, e nom o presidente Chávez, ajuda à ediçom do livro de Xosé Sesto.

É tam suspeito editar livros? Que intelectuais marxistas como Nestor Kohan deem palestras tampouco representa delito... neste momento, muito menos que estejam programados nas três naçons sem Estado da Península Ibérica. Se quigerem que vaia a Madrid... que o convidem.

A Associaçom Galega de Amizade com a Revoluçom Bolivariana, da qual fago parte como simpatizante, tem basamento legal ao abrigo da Constituiçom espanhola no Titulo I. Dos dereitos e deberes fundamentais, artigos 14, 16, 20, 21 e 22; todo o que puderem escrever os media, neste caso o El Mundo, é um atentado à liberdade ideológica, de opiniom, reuniom e associaçom, mais umha prova de que o revólver aínda está no cinto.

AGARB solicita ao jornal El Mundo retificaçom sobre a “reportagem” publicada hoje

2011-03-21T09:36:00.000-07:00

O jornal madrileno El Mundo publica hoje, nas páginas 12 e 13, umha reportagem intitulada “Chávez financia el independentismo gallego” que obtivo diverso eco em emissoras de rádio e outros meios de comunicaçom.

Perante a disparatada teoria da “informaçom” publicada, vinculando a nossa associaçom com açons de violência, a AGARB ligou hoje para os responsáveis do diário madrileno, assim como para o autor da notícia, para manifestar o nosso mais absoluto repúdio ao seu conteúdo. Na breve conversa telefónica denunciamos que em nengum momento El Mundo ligou connosco para recolher a nossa opiniom sobre os termos e orientaçom das afirmaçons vertidas.

Tal como manifestamos neste contato, no caso de amanhá nom se produzir umha retificaçom em base às consideraçons plasmadas neste comunicado, a AGARB verá-se obrigada a apresentar nos tribunais denúncia por injúrias e infámias contra os responsáveis de El Mundo e o jornalista, Herminio Carcacía, que assina a notícia.

1- A Associaçom Galega de Amizade com a Revoluçom Bolivariana (AGARB) é umha organizaçom popular sem fins lucrativos, enquadrada nos parámetros da esquerda soberanista e anticapitalista galega, cujos principais objectivos som:
1º- Difundir na Galiza o processo revolucionário em curso na República Bolivariana da Venezuela.
2º- Apoiar a luita anti-imperialista e em prol da construçom do socialismo neste país irmao.
3º- Procurar apoios e adesons à causa bolivariana entre o povo trabalhador galego.
4º- Impulsionar projectos de cooperaçom, intercâmbio, solidariedade e conhecimento mútuo entre o povo galego e o povo venezuelano.
5º- Recuperar e difundir os históricos laços de amizade entre a Galiza e a Venezuela.
6º- Reforçar a luita anti-imperialista e anticapitalista, pola soberania nacional no caminho de Socialismo.

Nengum destes objetivos está tipificado como delito no Código Penal vigorante no Estado espanhol.

2- A AGARB é umha entidade que colabora com o Consulado da República Bolivariana da Venezuela na Galiza. Fruto desta cooperaçom pública, editamos dous cadernos sobre a figura de Simón Bolívar. O primeiro, intitulado “Lo gallego de Simón Bolívar”, editado em junho de 2009, é umha ediçom facsimilar de um trabalho publicado em 1982 pola Irmandade Galega de Venezuela, da autoria do polifacético artista ponte-vedrês Xose Sesto (1909-1998).
O segundo “Simón Bolívar. Libertador de naçons, criador da Pátria grande”, editado em maio de 2010, é a primeira biografia de Bolívar editada em galego.

Ligar a colaboraçom económica do Consulado na ediçom de ambos cadernos com um suposto e indemonstrado financiamento venezuelano da esquerda independentista galega nom passa de ser um exercício do jornalismo mais sensacionalista e amarelo.

Praticar o internacionalismo com povos e processos revolucionários, colaborar em iniciativas com governos estrangeiros, tampouco está tipificado como delito no Código Penal.

3- Os Estatutos aprovados na II Assembleia Geral da AGARB, realizada em Vigo 6 de março de 2010, recolhem que a entidade solidária tem como única língua de uso tanto na sua comunicaçom interna quanto externa a língua nacional da Galiza, o galego, utilizando o padrom normativo reintegracionista estabelecido pola AGAL. Somos umha organizaçom galega, autonoma e independente de qualquer partido ou instituiçom, polo que a nossa opçom lingüística e ortográfica é consequente com os nossos princípios de entidade patriótica e internacionalista.

4- Ligar a AGARB com ataques a sedes do PSOE ou com a violência política que exista na Galiza nom passa de umha deliberada tentativa de intoxicar a opiniom pública para criminalizar a solidariedade internacionalista. A AGARB é exclusivamente responsável polas iniciativas que promove e das quais participa.

5- Somos umha entidade comprometida na difusom na Galiza do processo revolucionário bolivariano e, portanto, umha das nossas tarefas é lograr apoios entre os setores populares que objetivamente podem colaborar connosco. A esquerda independentista galega é umha das expressons sociopolíticas deste país, que manifesta simpatias com a Venezuela Bolivariana. Portanto, existe um mútuo reconhecimento e colaboraçom.
Mas ser independentista e de esquerda nom é um delito.

6- A AGARB considera que este tipo de notícias nom podem nem devem ficar impunes. A “reportagem” de Herminio Carcacía nom atingiria o aprovado em qualquer exame de primeiro ano na Faculdade de Jornalismo da Universiade de Santiago de Compostela (USC). Mistura informaçom real com mentiras. Deforma realidades e nom emprega fontes solventes. Carece de rigor e só procura fazer dano a quem apoia legítimos processos que defendem a liberdade, a justiça social e a soberania nacional. É um lamentável combinado de burda manipulaçom, sensacionalismo barato, seguindo boa parte das pautas de intoxicaçom mediática promovidas polo Ministério do Interior espanhol. Ao que também há que unir um enorme desconhecimento e desinformaçom do tema tratado por parte do autor.
Um claro exemplo do que afirmamos encontramo-lo no pé de foto de umha das ilustraçons que acompanha a notícia. Aparece datada como manifestaçom realizada há uns dias, concretamente 18 de março, quando se trata de umha mobilizaçom do Dia da Pátria Galega, 25 de julho.

Sem outro particular, recebe umha saudaçom revolucionária e bolivariana.

Pátria, Socialismo ou Morte! Venceremos!

Xavier Moreda
Coordenador Geral da AGARB

Vigo, Galiza, 21 de março de 2011

AGARB analisa eleiçons legislativas venezuelanas

2010-10-05T11:27:00.000-07:00

A Junta Directiva da AGARB manifesta a sua satisfacçom polo resultado eleitoral atingido 26 de Setembro polas forças que apoiam o processo revolucionário em curso na República Bolivariana da Venezuela.

Queremos transmitir ao povo bolivariano a nossa alegria por ter logrado maioria na Assembleia Nacional, porém a leitura pormenorizada dos resultados constata as deficiências e erros que a Revoluçom tem exprimido e reconhecido, mas nom corrigido, após a perda do referendo constitucional de 2007.

Com umha participaçom histórica de 66.45% o PSUV e as forças aliadas, basicamente o Partido Comunista da Venezuela e o Conselho Nacional Índio da Venezuela, lográrom 5.423.324 votos, 48.13% dos sufrágios, traduzidos em 98 deputad@s.

A oposiçom de direita e extrema-direita aglutinada à volta da Mesa da Unidade (MUD) conseguiu 5.320.364 votos, 47.22% traduzido em 65 deputad@s.

Pátria Para Todos (PPT) sumou 353.979 votos, 3.14% atingindo 2 representantes.

Os resultados do domingo constatam a necessidade de aplicar as tres R (Revisom, rectificaçom e reimpulso) que Chávez apresentou em Janeiro de 2008 para aprofundar na via socialista pois é a única garantia de evitar a derrota.

Como explicar que as forças que respaldam o processo atinjam um resultado inferior os mais de sete milhons duascentas mil pessoas inscritas no PSUV?

Porque sem despreender-se da corrupçom e a burocracia parasitaria, do nepotismo e a ineficacia, o processo está inexoravelmente condenado a ser derrotado. Sem poder popular, povo organizado, autogestom, milícias obreiras e camponesas, a Revoluçom Bolivariana entrará numha fase de desgaste e permanente desestabilizaçom.

Nom ter conseguido a maioria qualificada de dous terços (110 deputad@s) provocará que a oposiçom tenha suficiente margem de manobra institucional para obstaculizar e bloquear decisons transcendentais.

Venezuela necessita avançar face o Socialismo, necessita consolidar as enormes conquistas sociais em matéria de saúde, educaçom, serviços sociais, combate à pobreza; necessita quebrar com a economia de mercado e a democracia burguesa, mas para isso é imprescindível apoiar-se no povo trabalhador, nos sectores populares, nas organizaçons sociais e sindicais, combatendo sem trégua métodos de governo e gestom que desgastam e minam a Revoluçom.

Chegou o momento, a encruzilhada histórica, na que o Presidente Hugo Chávez Frías tem que eleger entre seguir conciliando com a boliburguesia ou apoiar-se nas verdadeiras e verdadeiros revolucionários. Sem deslocar dos centros de decisom governamental, do aparelho de estado e do própio PSUV a essa casta corrupta e oportunista, a Revoluçom carece de futuro.

A AGARB manifesta o seu apoio ao processo em curso e a sua disposiçom a continuar difundindo e luitando na Galiza polo ideais bolivarianos e socialistas.

Pátria, Socialismo ou morte!
Venceremos!
Denantes mort@s que escrav@s!

Galiza, 4 de Outubro de 2010

AGARB solicita à comunidade venezuelana na Galiza apoiar forças revolucionárias

2010-09-22T01:40:00.000-07:00

As eleiçons legislativas que a Venezuela realiza vindouro domingo 26 de Setembro som fundamentais para o futuro da Revoluçom Bolivariana e a consolidaçom do frente anti-imperialista latinoamericano.

Embora a totalidade das sondagens prognosticam umha vitória dos partidos que apoiam o processo em curso (basicamente PSUV e PCV), é determinante umha maioria qualificada de dous terços para evitar que os deputados das forças promovidas pola oligarquia e o imperialismo tenham capacidade de manobra.

A AGARB apela ao conjunto da comunidade venezuelana que reside na Galiza e à emigraçom galega com nacionalidade venezuelana, a respaldar eleitoralmente a aliança PSUV-PCV para consolidar assim as enormes conquistas sociais em matéria de saúde, educaçom, serviços sociais, combate à pobreza; para avançar na construçom de um verdadeiro poder popular; para afiançar a soberania nacional da que goza a República Bolivariana da Venezuela na última década, e seguir impulsionando a política internacional de integraçom e construçom da grande Pátria de Repúblicas com as que sonhou Simón Bolívar.

Somos conscientes dos enormes reptos que o processo deve afrontar no imediato para aprofundar na via socialista, para acelerar as transformaçons que os sectores populares mais conscientes reclamam, e erradicar as práticas da corrupçom e o clientelismo que minam desde o interior o projecto bolivariano e revolucionário.

Mas para que a boliburguesia poda ser deslocada dos centros de decisom tanto no governo, como no aparelho de estado e no própio PSUV, é imprescindível que o processo continue, é vital que a oligarquia atinja umha mínima representaçom parlamentar.

O povo trabalhador venezuelano, os povos da América Latina e as Caraíbas, as naçons sem estado como a nossa, necessitam que umha maré vermelha paré novamente os pés do imperialismo e o grande capital.

O 26 de Setembro há que dar um voto de apoio ao projecto revolucionário liderado polo comandante Hugo Chávez Frías.

Pátria, Socialismo ou morte!

Venceremos!

Denantes mort@s que escrav@s!

Galiza, 21 de Setembro de 2010

A mensagem vermelha

2010-09-14T10:43:00.000-07:00

Xavier Moreda

Ontem lendo um artigo do jornal Diario Universal de Caracas, lembrava a minha estadia na cidade e meus breves passeios pola praça Bolívar onde estas semanas pré-eleitorais gostaria de estar para perceber os ânimos que a cronista me provoca: “Qualquer que passe estes dias pola Bolívar e observe os cartazes pendurados dos farolitos da emblemática avenida poe pensar que estamos em 2012 e que a propaganda eleitoral promove ao mandtário nacional Hugo Chávez como novo presidente da Venezuela. Mas nom. Estamos na antesala das terceiras eleiçons parlamentares desde 1999 e, umha vez mais, o partido oficial recorre à figura presidencial como factor de mobilizaçom da campanha eleitoral”.
É engraçado que esta jornalista e todas e todos os colaboracionistas, quando falam da “contenda eleitoral” do seu próprio país, escrevam com lentes emprestados polo império e o imperiozinho e ao se referir às características da ”mensagem vermelha” falam do “discurso excludente” enquadrado em umha única estratégia comunicacional para os aspirantes “a guru” no parlamento. As mesmas palavras que o Tea Party, esse partido nom-partido de criaçom ianque que utiliza ou utilizaria com teína ou cafeína em todas partes do mundo a raiva construtora do ambiente que precede e beneficia o advento de qualquer massacre ou golpe de estado. Mas na Venezuela onde os vendepátrias e os terroristas como Carmona falam com liberdade através da imprensa direitista do Reino de Espanha, com direitos excepcionais, sem dúvida porta-vozes, vozeiros falabaratos dos apologistas do imperialismo: “foi um erro capital nom tirar a Chavez do país...Nom foi o decreto de formaçom do Executivo como sustentam alguns, senom a falta de critério na hora de agir em este assunto".

A visom que descrevem em preto e branco que julgam negativa é precisamente a que vai fazer que as eleiçons sejam, com toda certeza, ganhadas com vantagem suficiente para agir com a firmeza necessária para limpar de quintacolunistas e colaboracionistas o aparelho do Estado. Perder as eleiçons na Venezuela significaria retornar a conceitos coloniais; a umha geopolítica de poleiros dependentes de um império em franco declive, isso é o que significaria umha eventual vitoria do Tea Party -em traduçom mui livre- do partido do chá. Esse partido nom-partido que na Venezuela tem faces diversas e atomizadas em mais de umha dúzia de partidos que o diário espanhol El Pais quer mostrar como umha oposiçom unida. Tem o partido do chá em cada país a sua idiossincrasia com ou sem touradas, com ou sem peinetas renegacionistas. Som essa maioria de medíocres nomeadamente do centro e inesquerda que historicamente som braço comercial da direita mais violenta, de substratos bem diversos retroalimentados polas oligarquias no mesmo discurso fascista do apoliticismo activo com a atracçom fatídica de assinalar aos outros, às outras como problema. Em França os ciganos, na Itália os romenos, no Reino de Espanha os desempregados, ou na República Bolivariana da Venezuela aos habitantes dos “ranchitos” e ao povo trabalhador invisivilizado durante séculos.
A política exterior da República Bolivariana da Venezuela nom é só a expressom de sua política interna, é sobretodo a projecçom do que quer ser. Necessitamos ao comandante Chávez com umha República Bolivariana da Venezuela inserida por vontade própria no cenário da política internacional que se, e nos signifique à esquerda revolucionaria, (nom só, como muitas vezes se pretende à esquerda Latinoamérica) às e aos que apoiamos o processo socialista do século XXI, sendo solidários, críticos e internacionalistas dentro de um novo projecto geopolítico onde os EUA cada vez tem menos peso polo seu debilitamento por ser consequência e causa da crise que chamamos sistémica. Precisamos que a mesma dinâmica de forças sociais expressem nom só um projecto socialista, também a possibilidade de mudar o mundo desde qualquer parte por pequena que for a pesar do “partido do chá”
A ditosa jornalista tenta continuar narrando no seu artigo, em negativo, o que para muitos e muitas se torna em presente positivo e no entanto se vai-se contradecindo: “A única diferença que se observa a primeira vista em relaçom a campanhas anteriores é que o presidente Chávez já nom acompanha no “discurso visual” aos candidatos, ainda que sim o fai nos actos na rua onde participa nos percorridos e nos actos públicos e, como sempre, “ergue-lhes a mao”. Para qualquer pessoa ainda que nom seja politóloga nem socióloga, fam a campanha que tenhem que fazer: “Chavez o comandante-presidente é o maior factor de mobilizaçom, mas cada dia mais, existem candidatos e candidatas que expressam que o comandante nom é como muitos pretendem o único candidato.” Desde há uns dias nos círculos da capital se apresentam caras novas e às vezes muito jovens. Para quem nom esquece que as campanhas eleitorais som as acçons mais comerciais das democracias comercias sabe que as estratégias devem servir só para ganhar sem esquecer que depois das eleiçons há que aprofundar no debate do Poder Popular real e na radicalidade necessária para acabar com qualquer indicio que leve ao processo irremediavelmente a um capitalismo de estado a consequência do burocratismo e dos quintacolunistas que oxigenam os comportamentos que propugnam o “cuartarepublicanismo sociológico” que invade todos os estamentos como um cancro.
Esta campanha eleitoral nom é só o inicio de que há umha estratégia de campanha; um comando unificado que fai que o PSUV e o PCV tenham um critério de unidade e como consequência “umha forte unidade comunicacional” que a oposiçom interpreta como umha aniquilaçom eleitoral com umha “mensagem polarizada”; como visom política do chavismo que se expressa na contenda eleitoral como: “nos aniquilam ou os aniquilamos”. Estas eleiçons som mais do que nunca um plebiscito para Venezuela e para a esquerda mundial nom simplesmente umha confrontaçom eleitoral. Já mais de dez anos de processo devem levar a uns avanços realmente radicais. Revolucionários.
Ganhar estas eleiçons é mais do que nunca parte de umha luita necessária para culminar parte de muitos avanços e começar a radicalizar as luitas populares que eliminem doenças como o próprio burocratismo enquistado e a corrupçom generalizada que cria desassossego nas nossos e nas nossas camaradas e facilita a existência do quintacolunismo dentro da mesma administraçom e o colaboracionismo das e dos que pretendem utilizar a administraçom como umha nova classe, que jogam desde os seus postos a carom do fantasma de Juan Vicente Gómez, do estado inquestionavel, esquecendo através do exercício despótico a inviolavilidade do Poder Popular ao que ao nosso pesar representam.
Hugo Chávez Frias para bem ou para mal encarna à RBV, é um símbolo para o mundo e nom pode ser utilizado dumha maneira tam espúria polos adventícios e adventícias, como novas ricas e ricos que ocupam pola desídia das “alabancas” por desgraça ainda tam habituais em um sistema de designaçons tam opaco que beneficia às e aos que continuam a acreditar no Estado como um aparelho inquestionavel. A direita nunca foi eliminada do aparelho do estado. Fai parte do cerco fortificado e opaco das que aproveitam o burocratismo tam assumido como o próprio clientelismo na Venezuela, para estancar e paralisar as luitas para a transparencia e de transmisom do que realmente está a passar, do que acontece na RBV. A pior traiçom é este colaboracionismo. O absoluto irrespeito a uns princípios tam invioláveis como o próprio Poder Popular. A direita deve ser combatida agora nas eleiçons do 26 de Setembro e de imediato, após da mesma jornada eleitoral, no aparelho do estado de onde jamais foi eliminada, ocupa o cerne do estado sub-repticiamente como o que nunca deixou de ser: a expresom política da oligarquia e das classes dominantes, como partido do chá ou do que for.

Galiza com a independência venezuelana

2010-07-06T08:16:00.000-07:00

Pouco depois das 12 horas, diante do busto a Simón Bolívar na rua Venezuela de Vigo, dava início a oferta floral de comemoraçom do Dia da Independência.Umha coroa de loureiro com a bandeira venezuelana foi situada aos pés do monumento a Bolívar por Mónica Chacín e Luisana Sánchez Cohen, Cônsul e Vicecônsul da República Bolivariana da Venezuela na Galiza. Posteriormente ao canto do hino nacional o coordenador geral da AGARB Xavier Moreda realizava umha breve intervençomque reproduzimos integramente.

Activistas da AGARB que distribuírom entre as pessoas presentes a primeira biografia em galego do Libertador e dúzias de simpatizantes da Revoluçom Bolivariana respaldárom com a sua presença o acto.

Intervençom de Xavier Moreda

Honorável Cónsul Geral da República Bolivariana da Venezuela, Mónica Chacín, autoridades, amigos e amigas, compatriotas, bom dia.

Quero agradecer a honra de intervir em este acto como orador de ordem, na celebraçom do aniversário da declaraçom solene da independência da Venezuela.

Comemoramos o dia nacional da Venezuela. Dia, também, da força armada da República Bolivariana da Venezuela.

Hoje, há 199 anos de aquele 5 de Julho, tinha lugar a declaraçom e a acta da independência, da materializaçom das ideias emancipadoras surgidas numha sociedade colonial que mostrava também a impronta da independência alcançada em outras latitudes.

As ideias republicanas impulsionadas polos fundadores da Pátria, fraguárom a naçom venezuelana.

Se a epopeia independentista erigiu umha naçom livre e soberana o tempo presente impom a venezuelanos e venezuelanas, aos amigos e às amigas da revoluçom bolivariana, consolidar esses objectivos.

A celebraçom de hojé em Vigo deve destacar o significado da luita radical pola emancipaçom, a segunda independência da Nossa América.

Como diz o presidente Chavez: "A Venezuela mais nunca será colónia do imperio”. Este é o ânimo que deve ter a celebraçom como parte do segundo centenário quando o planeta vive a mais formidável crise dos valores impostos polo neoliberalismo e o consenso de Washington; quando se estam a gestar as novas ideias para a criaçom dum mundo distinto, quando se dá a luita sem trégua pola segunda independência. Ninguém pode deter a um povo quando decide ser independente.

O Libertador fora abrindo caminhos combatendo e escrevendo postulados revolucionários que fôrom contributos valiosos para as contituiçons das repúblicas.

O seu pensamento vigente e as suas cartas como a de Jamaica, o congresso de Panamá, ainda boicoteado polo império, renascia sobre as cinzas coloniais dos países europeus autodestruidos polas guerras.

Simón Bolívar encaminhou as linhas traçadas no “ Congresso de Angostura” como a grande estrutura social, política, económica, ética e moral, como as verdadeiras trabes da República face o despotismo e o imperialismo espanhol e dos EUA. Fôrom e som as bases da constituiçom da República Bolivariana da Venezuela referendada polo povo venezuelano em 1999 como novo sistema de governo para a definitiva independência proposta polo comandante Hugo Chávez Frías.

As ameaças som permanentes contra a Revoluçom Bolivariana e contra o próprio presidente a traves dos meios de comunicaçom e com todas as tecnologias mais avançadas, a guerra psicológica contra Chávez, po parte dos que nom admitem as mudanças sustentadas polo povo trabalhador. Nom podem frear já as transformaçons forjadas polo povo venezuelano, irrespeitam as maiorias tratando de impor seus velhos costumes como leis. Desafiam os poderes legais. Querem voltar pola força para estabelecer um governo de extrema direita estilo Honduras, pensam que só eles tenhem direito a governar.

Quero finalizar, aproveitando esta honrosa tribuna, em solidariedade com o presidente Chávez, reiterando publicamente o compromiso da AGARB em defesa da segunda e definitiva independência da pátria venezuelana que também é nossa.

Pátria, Socialismo ou Morte!

Venceremos!

Galiza, 5 de Julho de 2010

Oferenda floral ao Libertador

2010-07-02T03:57:00.000-07:00

Delegaçom da AGARB participará no acto organizado polo Consulado da República Bolivariana da Venezuela para comemorar Dia da Declaraçom de Independência. A oferenda floral terá lugar segunda-feira 5 de Julho às 12 horas diante do busto de Simón Bolívar na rua Venezuela de Vigo.

Simón Bolívar: Libertador de naçons, criador da Pátria Grande

2010-07-01T15:14:00.000-07:00

AGARB em colaboraçom com o Consulado da República Bolivariana da Venezuela editou a primeira biografia de Bolívar publicada na Galiza.

O texto cuidadosamente editado a quadricomia com umha capa onde reproduz um retrato de Bolívar do artista equatoriano Pável Eguez consta de 38 páginas onde de forma amena e divulgativa, sem carecer do imprescindível rigor histórico, realiza um percorrido polos mais destacados episódios da vida do Libertador.

O segundo caderno que edita a AGARB está nesta ocasiom exclusivamente em galego e vai acompanhado por seis ilustraçons. As quatro primeiras reproduzem óleos históricos da sua gesta, concretamente cenas das batalhas de Carabobo e Junín, a entrevista que mantivo com Sucre nos Andes, e a entrega vitoriosa de umha bandeira espanhola. As duas últimas som dous desenhos inéditos feitos em lápizes de cores por Inti Maleywa, umha guerrilheira das FARC-EP.

O caderno aborda a nova versom historiográfica sobre a sua morte, o que sem lugar a dúvidas é o episódio da sua intensa biografia mais cargado de enigmas e mistérios.

A AGARB respalda a tese do assassinato como resultado de umha conspiraçom das potências imperialistas divulgada polo historiador Jorge Mier Hoffmam na sua obra La Carta.

Open publication - Free publishing - More bolivar

Mier Hoffman denúncia assassinato de Bolívar

2010-05-11T05:19:00.000-07:00

Video: A revoluçom nom será retransmitida

2010-05-03T03:06:00.000-07:00

ABP entrevistou a Brigada Galega Moncho Reboiras

2010-04-28T03:33:00.000-07:00

Fonte: primeiralinha.org

Reproduzimos na nossa língua a entrevista publicada há uns días no portal da Agência Bolivariana de Prensa aos membros da Brigada Galega Moncho Reboiras aproveitando a viagem dos internacionalistas galegos à Venezuela.

Reproduzimos na nossa língua a entrevista publicada há uns días no portal da Agência Bolivariana de Prensa aos membros da Brigada Galega Moncho Reboiras aproveitando a viagem dos internacionalistas galegos à Venezuela.

ABP Notícias dialogou com Carlos Morais, Alexandre Rios e Daniel Lourenço da Brigada de solidariedade galega Moncho Reboiras, quem durante 32 dias de percurso por terras venezuelanas aproximárom-se ao processo bolivariano através das organizaçons políticas, sociais e populares que trabalham e exigem a radicalizaçom por parte do governo na construçom do socialismo.

ABP. Um fraternal e Bolivariano saúdo parceiros e bem-vindos à terra do Libertador. Comentem-nos sobre a Brigada Moncho Reboiras que hoje tem alguns dos seus representantes no nosso país.

BGMR. A Brigada de Solidariedade galego venezuelana Moncho Reboiras, faz parte do Movimento Continental Bolivariano Capítulo Galiza e seu accionar encontra-se enquadrado nos princípios da esquerda soberanista e anticapitalista galega, daí o seu nome; Reboiras foi um militante independentista galego assassinado em 1975 polo fascismo espanhol. Os objectivos da nossa brigada som: difundir em território galego o processo revolucionário que hoje se desenvolve na Venezuela, apoiar a luita anti-imperialista na via da construçom do socialismo deste país irmao, recuperar e difundir os laços históricos de amizade entre a Galiza e a Venezuela, entre outras cousas.

ABP. Quantos dias levam na Venezuela e quais som as suas impressons?

BGMR. Hoje 16 de Abril cumprimos 31 dias de ter pisado solo bolivariano. Figemos um exaustivo percurso polas principais cidades e vilas de Venezuela conhecendo a enorme riqueza natural, cultural e social do país; corroborando o papel fundamental do processo bolivariano na luita latino-americana contra o neoliberalismo, contra o imperialismo. A Venezuela é fundamental neste processo de independência definitiva que livram os povos da regiom. A memória da gesta de Bolívar (que tem, já agora, raizes galegas e bascas) encontra-se viva e palpitante no povo. Há um ambiente libertário tremendo, chegamos justamente nas datas de comemoraçom do bicentenário da sua independência do império espanhol, o mesmo contra o que nossa naçom galega ainda luita e padece.

Por outra parte, reunimos-nos com numerosas organizaçons populares ao longo e largo do território venezuelano ,constatando que há umha necessidade e exigência do povo ao governo de aprofundar e radicalizar o processo socialista. Percebemos a encruzilhada em que se encontra a Revoluçom Bolivariana: reforçar o capitalismo de Estado ou apostar num processo realmente socialista, apoiando verdadeiramente o movimento popular e rompendo com a chamada boliburguesia.

Reunimos-nos também com Carlos Casanueva, Secretário-Geral do MCB, do qual fazemos parte. Afinamos planos, estabelecendo os mecanismos para a realizaçom dos objectivos que nos traçados em Dezembro, mês em que se realizou o Congresso constituinte do Movimento, antes Coordenadora Continental Bolivariana.

Precisamente neste domingo 18 de Abril convocamos como MCB-Capítulo Galiza, junto com outras organizaçons de nossa naçom, umha marcha em solidariedade com o processo cubano vilipendiado entre outros pola direita fascista espanhola que se somou às vozes de calúnia contra este heróico povo.

ABP. Desde há quanto tempo pertence a Brigada ao MCB?

BGMR. Desde maio de 2008 com o lançamento do Capítulo em Galiza e a realizaçom de umha série de actividades impulsionadas a partir da América, como por exemplo, a homenagem ao comandante Manuel Marulanda Vélez, entre muitas outras. Como MCB Galiza temos um blogue (http://ccb-galiza.org) e um boletim trimestral que procura a difusom e entendimento do processo independentista latino-americano entre o que se encontra, com certeza, a luita insurgente na Colômbia.

ABP. Companheiros, qual é a situaçom de Galiza e a luita do seu povo?

BGMR. A Galiza é umha naçom sem Estado, submetida polo Estado espanhol que a explora economicamente e a oprime culturalmente, impedindo o exercício do seu direito de autodeteminaçom. Espanha acelera um processo de assimilaçom cultural para que Galiza desapareça, um claro exemplo disto é a conversom do idioma galego por parte do imperialismo espanhol numha língua residual.

Dentro do sistema capitalista europeu em crise, a Galiza encontra-se empobrecida, além do mais, pola opressom espanhola apesar do seu enorme potencial ecónomico e humano. Aproximadamente 90% da populaçom galega pertence ao povo trabalhador, sendo os pensionistas e as mulheres os principais afectados pola crise e as reformas da burguesia espanhola. Mais de 400 mil pessoas vivem abaixo do limiar da pobreza. @s galeg@s som significativamente mais pobres que a média do Estado espanhol; tenhem baixos salários e pensons, suportando maiores taxas de precariedade laboral, desemprego e sinistralidade.

Recentemente o governo espanhol apresentou umha nova reforma laboral que constitui umha nova volta de porca dentro do empenho do capitalismo espanhol nos últimos 25 anos para desmontar as conquistas d@s trabalhadoras/as. Este processo de desgaste das conquistas sociais evidência a política pró-burguesa tanto do PP e o PSOE que som exactamente a mesma cousa. Ao que se soma a política antiterrorista que atenta contra toda oposiçom política. Para que se fagam umha ideia do estado de repressom espanhola, na Galiza nom se pode colar um só cartaz sem permissom, invisibilizando assim as luitas e atentando contra a liberdade de expressom.

Galiza tem um Movimento de Libertaçom Nacional que desde inícios deste século se encontra numha nova etapa de acumulaçom de forças, aparecendo novas organizaçons revolucionárias com programas e práticas independentistas, socialistas e antipatriarcais. No seio do Movimento há um sector muito importante de carácter marxista e leninista que luita pola independência e o socialismo em Galiza e que vê em Espanha um obstáculo para atingir a felicidade e o bem-estar da imensa maioria do povo galego.

Há umha história de solidariedade que une a história independentista galega com a americana. A reconstruçom da esquerda galega fijo-se com contributos de quadros na Venezuela e México. Por sua vez, milhares de galegos e galegas participárom activamente na luita pola emancipaçom e a libertaçom dos povos de acolhimento da América e as Caraíbas.

Para recordar alguns nomes: Galego Soto, líder da Patagonia rebelde; Santiago Iglesias, destacado sindicalista defensor dos direitos humanos em Porto Rico; Ramom Soares Picalho, fundador do Partido Comunista Argentino; José Rego Lopes, dirigente operário e fundador do Partido Comunista Cubano; José Fernandes Vasques, assessor militar do MIR venezuelano; Elsa Martins activista dos Tupamaros uruguaios; Fernando Oyos dirigente do Exército Guerrillero de los Pobres na Guatemala, entre muitos outros.

ABP. Companheiros, vocês manifestárom em reiteradas ocasions umha profunda solidariedade com as luitas do povo colombiano. Para fechar esta conversa com o tema sobre os laços solidários e libertários que tecem América e Galiza, que teriam que dizer sobre a luita insurgente na Colômbia?

BGMR. Na Europa existe muita tergiversaçom a respeito da Colômbia; o império espanhol, cujos meios de informaçom apostam no fascista de Uribe. Há numerosas empresas espanholas interessadas em espoliar o povo colombiano, por mencionar algumhas, REPSOL, BBVA, o Grupo Santander, algumhas delas denunciadas por sindicalistas e organismos de defesa dos Direitos Humanos, por financiar o paramilitarismo que assassina cruelmente sindicalistas, camponeses, mulheres, indígenas e outros filhos do povo pobre da Colômbia.

Nós tratamos de dar um pouco de luz sobre este tema e estender a solidariedade com as luitas do povo colombiano e particularmente com as FARC-EP que nom som terroristas como o afirmou falsariamente o Estado colombiano, e que ao invés som umha força beligerante que encarna um projecto de esquerda verdadeiramente popular, contrário ao Polo que segue as consignas uribistas.

As FARC-EP som fundamentais na luita de libertaçom definitiva de América Latina, nós continuaremos empenhados no nosso modesto esforço de neutralizar as campanhas permanentes de criminalizaçom e estigmatizaçom do projecto bolivariano, tanto o de Venezuela, como o que encarna com umha grande experiência revolucionária as Forças Armadas Revolucionárias de Colômbia-Exército do Povo.

ABP. Muito obrigado camaradas polo seu tempo. Um forte abraço e toda a nossa solidariedade com a luita independentista galega.

BGMR. Obrigado a vocês e venceremos!

Com Cuba, com a liberdade e a Revoluçom!

2010-04-16T04:54:00.000-07:00

A AGARB chama a participar na mobilizaçom convocada pola Associacçom de Amizade Galego-cubana Francisco Vilhamil que decorrerá o próximo domingo, 18 de Abril, e que sairá às 12.30h da Alameda de Compostela.

A continuaçom reproduzimos o manifesto que a nossa entidade fixo público com motivo desta mobilizaçom.

Com Cuba, com a liberdade e a Revoluçom!
Mais umha vez a besta ferida revolve-se e lança o seu ataque desesperado. Meios de comunicaçom, organismos e instituiçons de todo tipo, políticos de cores diversas e intelectuais bem-pensantes unem as suas vozes contra a pretensa atrocidade cometida numha ilha caribenha.
Sem o mais mínimo rubor, os sanguinários torturadores de Guantanamo e Abu Ghraib, os genocidas da Palestina, Iraque e Afeganistám, os terroristas narco-paramilitares da Colômbia, os invassores do Haití, a máfia gusana, os golpistas das Honduras e os seus dóceis lacaios clamam agora polos Direitos Humanos que a diário violam nas suas prissons secretas, nos seus campos de concentraçom e nos seus corredores da morte.
O falecimento em greve de fame de Orlando Zapata, um preso comum, serviu de pretexto para desatar umha campanha internacional de desgaste à Revoluçom Cubana. Umha campanha desenhada à medida das necessidades urgentes do imperialismo norteamericano e europeu que aproveita qualquer oportunidade para situar obstáculos ante o irrefrenável avanço das forças populares na América Latina e que, por outro lado, necessita reforçar o bloqueio à ilha para impedir o desenvolvimento do projecto sócio-económico encetado pola Revoluçom. Porque a crise azouta ao Capitalismo, umha crise que nom é só financieira, mas também social e política. As resistências dos povos multiplicam-se e agudizam-se ante o olhar atónito das burguesias imperialistas que vem os seus tentáculos empresariais cercenados, os seus governos títeres derrocados e assistem ao agromar dum movimento emancipador que está a brandir a espada de Bolívar até no último recanto do continente. Hoje é umha necessidade cega para os estados do centro capitalista minar o prestígio dessas luitas dos povos e Cuba continua a ser um dos mais importantes baluartes de resistência nas consciências das trabalhadoras e trabalhadores de todo o planeta.
Contamos com a memória suficiente para atarmos cabos e raparar em que este nom é um episódio isolado, senom parte dumha campanha mediática de profundo alcanço. A mentira e a manipulaçom das que hoje é alvo Cuba som o pam de cada dia para os movimentos rebeldes e anti-imperialistas da Bolívia, da Colómbia e, como nom, da Venezuela que é motor desta nova vaga emancipadora.
Hoje temos a tarefa ineludível de defender a Revoluçom Cubana, nom só por exercermos a imprescindível solidariedade internacionalista que devemos a todos os povos que arredor do mundo resistem ao imperialismo, também porque Cuba é parte do nosso, é património da humanidade explorada, dos povos ocupados como o galego. Hoje, com orgulho, vamos mais umha vez para a rua gritar:
Cuba sim! Ianques nom!
Patria e socialismo ou morte, venceremos!

Publicamos estatutos da AGARB

2010-03-11T09:04:00.000-08:00

Publicamos em formato de fácil leitura e em pdf os estatutos aprovados pola Assembleia Geral da AGARB o passado fim de semana em Vigo.

Para descarrega-los em pdf preme cá.

Video da ìntervençom de Xavier Moreda na TVG

2010-03-10T06:49:00.000-08:00

Xavier Moreda defendeu Revoluçom Bolivariana na TVG

2010-03-10T04:17:00.000-08:00

Segunda-feira pola noite, no programa Foro de Debate da TVG, a AGARB defendeu com claridom o processo revolucionário venezuelano.

Perante os ataques e desqualificaçons de Carlos Luís Rodríguez e dos outros três jornalistas contrários ao processo bolivariano, Xavier Moreda deixou claro que a Venezuela é um país soberano que procura mediante a participaçom popular umha sociedade mais justa e igualitária

Decorrida II Assembleia Geral da AGARB

2010-03-08T02:48:00.000-08:00

Vigo acolheu 6 de Março II Assembleia Geral da AGARB onde fôrom aprovados os estatutos, os princípios e a declaraçom política.

A Assembleia Geral ratificou o informe de gestom apresentado por Xavier Moreda acordando iniciar os trámites da legalizaçom.
Foi escolhida umha nova directiva conformada por cinco companheiros e companheiras aberta à incorporaçom de novos sócias e sócios.

Umha das resoluçons aprovadas foi apoiar a Brigada Galega Moncho Reboiras que nas vindouras semanas realizará umha gira por Venezuela para conhecer em profundidade a situaçom do processo revolucionário.

Nos vindouros dias publicaremos integramente as resoluçons.

Convocada II Assembleia Geral da AGARB

2010-02-22T11:27:00.000-08:00

Novamente a cidade de Vigo acolherá Assembleia Geral da Associaçom Galega de Amizade com a Revoluçom Bolivariana.

A entidade internacionalista convoca ao conjunto de pessoas associadas sábado 6 de Março a assistir à II Assembleia Geral sob a legenda "A solidariedade é a ternura dos povos".
Nesta nova Assembleia o organismo constituido em Setembro de 2007 aprovará os Estatutos, renovará a Junta Directiva e actualizará os Princípios e a Declaraçom política da que se dotou na Assembleia Geral de Junho de 2008.
Mónica Chacín, Cônsul da República Bolivariana da Venezuela na Galiza, estará presente no acto de encerramento

Gonzalo Gómez: "Ou a revoluçom avança, ou retrocede"

2010-02-16T01:02:00.000-08:00

Aproveitamos a recente visita ao nosso país de um dos referentes da contra-informaçom venezuelana para lhe realizar umha interessante entrevista.

Estamos a falar de Gonzalo Gómez, galego-venezuelano co-fundador do portal contra-informativo Aporrea, um dos sites referenciais da esquerda latino-americana.

Aliás, estivo connosco Xavier Moreda, colaborador do nosso jornal e presidente da Associaçom Galega de Amizade com a Revoluçom Bolivariana, com quem também pudemos trocar pareceres a respeito do processo revolucionário e das suas actividades na AGARB.

A seguir reproduzimos a entrevista feita a este jornalista revolucionário cujo amor pola Galiza e a nossa cultura ficou de manifesto polo domínio que o Gonzalo demonstrou da língua galega.

Proximamente reproduziremos a que lhe figemos a Xavier Moreda.
DL – Que balanço pode fazer-se dos dous anos de existência do Partido Socialista Unido da Venezuela?

GG – Em primeiro lugar, foi um acerto chamar á conformaçom do PSUV, porque se criou um espaço comum dos distintos sectores da vanguarda política e do movimento popular que está com o processo revolucionário bolivariano. Isto é muito importante para somar forças, para poder construir umha alternativa capaz de soster o que significa levar adiante o projecto da revoluçom bolivariana e enfrentar todos os perigos, ou todas as ameaças, que se apresentam, como já estamos a ver. Portanto, a existência de um partido, como o PSUV, um partido de massas, ao qual estám filiados grandes sectores do povo venezuelano, é fundamental.

O partido converteu-se numha ferramenta de umha imensa participaçom popular. Inicialmente, com umha estrutura baseada nas comunidades dos bairros populares e que começa a dar entrada à participaçom por centros de trabalho e por sectores sociais. Já se estám a conformar patrulhas de trabalhadores nos centros de trabalho, tanto do sector privado como do sector público. Anteriormente, @s trabalhadores/as tinham de participar no PSUV a partir da instáncia territorial, mas agora já podem ter umha presença como classe mais definida. Isto é importante, permite de cara ao futuro que a classe trabalhadora tenha um maior peso na composiçom e aspiramos, também, na direcçom do PSUV. Porque o PSUV, e isso é algo que se está a discutir no congresso, deve ter bem definido qual é o seu quadro de classe, qual é o sujeito social do processo revolucionário na Venezuela, e eu penso que, nom deve haver dúvida, som fundamentalmente os trabalhadores e trabalhadoras junto com outros sectores sociais assovalhados.

Isto é um êxito, porém, o PSUV tem que resolver problemas importantes. Há problemas que tenhem que ver com lastros burocráticos, outros com um peso demasiado forte do funcionariado público e alguns sectores do partido que, aproveitando-se das trasacçons entre o Estado e o Capital, também tomárom privilégios e que representam, neste senso, umha força conservadora na construçom do PSUV. Mas essa discussom está-se a dar na conjuntura do congresso. Estamos a discu os princípios, o programa político que tem de defender o PSUV, está-se fazendo a proposta de que seja um programa para a transiçom ao socialismo e garantir o poder popular como condiçom essencial para a mudança revolucionária, e esse desenlace está por ver-se. Estamos participando nessa construçom e, para além das críticas por alguns detalhes, dentro do partido há espaço para discutir e debater. Esperamos que o resultado disso seja a consolidaçom da orientaçom revolucionária do partido.

DL – Umha das propostas que mais eco está a ter a nível internacional, e que aqui na Galiza também tivo, é a recente proposta de Hugo Chávez para a conformaçom de umha nova internacional, seria a V internacional. Que che parece essa proposta? Concordas com a necessidade de articular umha nova internacional nestes momentos?

GG – Eu acho indiscutível a necessidade de umha organizaçom internacional que articule, que agrupe, que unifique politicamente, e também na actividade, na acçom, todos os movimentos, organizaçons sociais, partidos anticapitalistas, anti-imperialistas, que tenham umha vocaçom orientada para a democracia popular dos trabalhadores e do povo e que apontem para a construçom do socialismo. Esta é umha tarefa que nom se pode atingir se nom for no cenário mundial, porque no-lo demonstra a nossa experiência.

A Venezuela nom pode construir o socialismo, nem atingir a ruptura com o capitalismo e enfrentar a pressom do imperialismo encerrada nas suas fronteiras.

A política da construçom do ALBA, como alternativa para um conjunto de países da América Latina: Cuba, Nicaragua, Bolívia, Ecuador e alguns países das Caraíbas, que já estám participando, mostra um intento de responder a essa necessidade de os países avançarem juntos, e tenhem de avançar os povos. Isto é determinante porque o capitalismo é um sistema mundial. Expressa-se dentro de cada fronteira com características particulares, mas ninguém pode escapar aos efeitos de viver num sistema capitalista globalizado. Tem que ter umha contestaçom global. Ora, dentro dessa resposta global, existem povos com as suas características, cultura, formas de luita; os ritmos dos processos som diferentes, mas é necessário que trabalhemos todos juntos.

Hoje a revoluçom venezuelana nom pode ter êxito definitivo se nom derrotamos o golpe nas Honduras e se a resistência hondurenha nom tira para adiante. Tampouco podemos fazê-lo se nom temos a solidariedade dos outros países frente ao cerco das bases militares ianques.

E estas bases nom som exclusivamente para cercar a Venezuela, também estám lá para agir contra a revoluçom na Bolívia e as mudanças anti-imperialistas e progressitas do Ecuador.
A proposta de umha V internacional já é umha questom de salvaçom geral da humanidade. Num mundo onde estamos contra a espada e a parede, onde a legenda de socialismo ou barbárie está mais clara ainda, porque se está prevendo que do ponto de vista ecológico, o equilíbrio, a biodiversidade, o clima, o sistema capitalista está acabando com as possibilidades de sobrevivência da espécie humana e de muitas formas de vida do planeta, é imprescindível umha revoluçom anticapitalista e a construçom do socialismo em todo o mundo, e isso nom se pode fazer cada um polo seu lado. Som necessárias formas unificadas para dar essa batalha.

Há umha proposta, é umha oportunidade de discussom. É umha proposta que nom descarta as experiências, mas sim aponta a que se podam tomar em consideraçom os erros cometidos na construçom do que foi a I, II, III e IV Internacional. Deve recolher-se a experiência mundial de luita revolucionária da classe trabalhadora e dos povos e ver qual vai ser a configuraçom, quais os limites ou os referentes da construçom dessa V internacional. Nom pode ser umha V internacional controlada ou submentida polos que capitulam ao capitalismo, polos que nom tenhem actividade clara internacional de solidariedade com os povos, os que nom tenhem um internacionalismo prático, que vam fazer aí? Falar e nom respaldar isso com a sua conduta. Pode ser que a esses cenários assomem correntes reformistas, sectores de centro-esquerda que tenhem participado em governos e que o que figérom foi administrar o capitalismo e reconduzí-lo em situaçons de crise.

Com esse tipo de organizaçons nom vamos poder construir a V internacional que se necessita, se é que vamos contruir a V internacional. Mas isso há que discuti-lo. A oportunidade de discuti-lo é muito importante, nom se deve perder.

DL – Na América Latina vem constituindo-se umha plataforma de carácter unitário, a Coordenadora Continental Bolivariana, que recentemente se transformou em Movimento Continental Bolivariano num encontro de centenas de representantes de numerosos países do continente, e também do resto do mundo, que tivo lugar, precisamente, na capital da Venezuela. Que opiniom tés dessa articulaçom de forças revolucionárias chamada Movimento Continental Bolivariano?

GG – Eu nom tivem oportunidade de participar mas estou enteirado da convocatória. Coincidiu, no meu caso, com a obrigaçom de participar nas sessons do congresso do PSUV, como delegado que som.

Mas, com a mesma lógica do que falávamos acerca da V internacional, que se agrupem, que intercambiem experiências, que tratem de pór-se de acordo em fórmulas e propostas políticas comuns para resistir ao imperialismo na América Latina, para defender a soberania dos povos, resgatando ou tomando como base a herdança do bolivarianismo, que foi a luita independentista dos países da América Latina, é um passo importante.

Há que saudar toda forma de articulaçom, unificaçom dos movimentos para trabalhar em conjunto e, neste senso, quero denunciar que há um intento sistemático do governo da Colómbia, um governo narco-paramilitar, que representa a antítese do que nós queremos para os nossos povos, e por parte do imperialismo norteamericano, de estigmatizar e de etiquetar estes intentos de agrupamento dos movimentos progressistas e da América Latina. Tacham-nos de terroristas, tratam de justificar o assédio, e a possibilidade de submetê-los a perseguiçom ou a medidas arbitrárias de qualquer tipo onde queira que se encontrem @s activistas. Isto rechaço-o e mostro toda a solidariedade com a gente que está afectada por esta ofensiva.

DL – Recentemente mudárom as condiçons entre a Venezuela e a Colómbia, devido à intervençom directa ianque com a instalaçom de novas bases militares, nom só contra as FARC, senom também para realizar umha pressom contra a própria revoluçom bolivariana. Como crês que vam influir estas novas condiçons surgidas da ofensiva imperialista no interior do processo venezuelano?

GG – Esta ofensiva, que aumenta agora com o convénio da instalaçom das bases, já começou há tempo. Entre outras cousas, há umha política da Colómbia de infiltraçom, de penetraçom, na Venezuela, com grupos paramilitares. Estes já estám fazendo as suas actividades em contra do processo revolucionário venezuelano mas, também, em contra dos direitos humanos e das instituiçons democráticas venezuelanas.

Os paramilitares estám nas cidades, em povoaçons fronteiriças. Fam seqüestros e actos de sicariato ajudando terratenentes e gandeiros para assassinarem dirigentes camponeses ou arrebatarem terras aos indígenas. Vam-se aprópriando de território. Isto combina, por umha parte, assegurar espaços para o seu negócio, o narcotráfico, que é umha indústria de que vivem também os que estám no governo da Colómbia e os EUA porque lhes serve para justificarem muitas cousas e, por outra, ocupam espaço. Estám em condiçons de permitir um futuro controlo militar e, ao mesmo tempo, arremetem contra a dirigência popular e política.

Na Venezuela, no ano 2004, depois do golpe e a sabotagem petroleira, descobriu-se que estavam instalando, nas redondezas de Caracas, grupos paramilitares numha fazenda de um irmao da actriz Maria Conchita Alonso, Rober Alonso, e fôrom detidos cerca de 100 paramilitares. Alguns deles fôrom repatriados depois, outros estivérom um tempo na cadeia na Venezuela. Era para fazer actividades golpistas ou planos magnicidas. Assim que houvo arremetidas muito importantes.

Isto também lhes serve para poder, desde estas bases, com esta política de pressom, ajudar ao plano político que tenhem, recuperar o controlo de instituiçons do Estado, e desde elas, manobrando como nas Honduras, desestabilizar o governo de Chávez. Se eles retomassem parte do controlo da Assembleia Nacional ou doutras instituiçons tentariam combinar a pressom militar com operaçons de corte político, mas acho que isto vai mais alá ainda. O problema tem que ver com a situaçom da guerra que há no interior da Colómbia.

Aliás, eles lobregam o problema da escassez de recursos energéticos, da água, estám, mesmamente, situados estrategicamente na beira da Amazónia. Cobiçam os recursos de todos os países, incluído o Brasil. Eles estám pensando em como obtenhem desde essa plataforma a possibilidade de meter-lhe mao a todos os recursos da América do Sul. Para isso, vam tentar dividir países, aproveitar qualquer tipo de possibilidade de fragmentaçom. É toda umha operaçom que vai além do governo de Chávez e da revoluçom bolivariana porque há um processo continental, na América Latina, e eles também tenhem umha crise que lhes obriga, como imperialismo, a subsistir a umha espécie de recolonizaçom, umha reconquista de espaços em que se fôrom delimitando progressivamente. Este nom é um problema nada mais dos latino-americanos. O fortalecimento do imperialismo e a possibilidade de que fossem derrotados os processos revolucionários na América Latina vai repercutir em todos. Sobretodo, naqueles povos que tenhem luitas de carácter nacional, independentistas, que estám enfrontando algum tipo de império. Naturalmente, o imperialismo norte-americano é sócio de todas as manifestaçons que tem o imperialismo europeu, incluído o Estado espanhol.

DL – Em relaçom com esta infiltraçom por parte do imperialismo contra o processo revolucionário venezuelano e a próxima convocatória de processos eleitorais na Venezuela. Como vês a correlaçom de forças? Pensas que o movimento bolivariano vai conseguir manter a hegemonia actual? Conseguirá a direita pro-imperialista introduzir-se nas instituiçons? Quais as perspectivas?

GG – Todos as sondagens de opiniom indicam que Chávez sobrepassa 60% de popularidade. Caso se figessem eleiçons presidenciais hoje, Chávez arrasaria novamente. A direita nom tem capacidade de mobilizaçom na rua. Fai operaçons de carácter mediático para chamar a atençom, formar escándalo a nível internacional, denunciar o governo venezuelano e fazer pressom sobre ele.

Todavia, ainda que o povo venezuelano conquistou muitos benefícios sociais, democráticos e do ponto de vista de participaçom, como nom os tivera nunca antes, o povo vai por mais. Quando o avanço nom é à velocidade esperada, ou quando se deterioram algumhas das conquistas obtidas, costuma acontecer que sectores do povo entrem numha situaçom de desencanto ou apatia e isso diminui a vontade de participaçom para defender o que tenhem com o seu voto. Isto representa umha situaçom de perigo, temos que estar à espreita. Som indubitáveis os avanços, os benefícios, que a revoluçom bolivariana, e o governo do presidente Chávez, deu ao povo venezuelano. Eis a diminuiçom da pobreza, a melhora da saúde, da educaçom, a experiência de começar a desenvolver formas de poder popular, com organizaçom comunitária, com participaçom democrática do povo.

No entanto, fenómenos como o burocratismo, como a corrupçom, como as travas para a aplicaçom das políticas, que vam desde a luita com o latifúndio, que nalguns momentos nom avança como deve avançar, até formas inadequadas de manejar a relaçom com os trabalhadores em empresas do Estado, podem ter um efeito negativo se nom forem corrigidos. Esperamos que o congresso o discuta e que se determinem as medidas para a reorientaçom necessária. O próprio presidente Chávez fijo a crítica. A revoluçom nom pode apostar ao equilíbrio, à estabilidade permanente. Ou a revoluçom avança ou retrocede. Temos detrás ao imperialismo que se está preparando, assim trabalhe com a cenoura ou com o garrote, mas está aí constantemente, à espera da sua oportunidade. A direita o que quer é recuperar a administraçom do Estado venezuelano e do governo que perdeu de forma directa.

Hoje nom podemos dizer que na Venezuela há um governo directo da classe trabalhadora, que já se pode falar de um país socialista. Estamos num país capitalista ainda. Administrando ainda as estruturas do estado burguês. O poder popular ainda nom se desenvolveu suficientemente como para que se estabeleça um governo dos trabalhadores e trabalhadoras e dos diferentes sectores do povo, junto com Chávez, naturalmente. Se nom vamos cara a isso a direita tem possibilidades de recuperar. Muitas transformaçons requerem umha aceleraçom, um novo empurrom para que podamos contar com todo o entusiasmo e a vontade do povo e que nom se permita que sectores oportunistas, conservadores ou traiçoeiros podam fazer umha má jogada ao processo revolucionário na Venezuela.

DL – O Gonzalo é um dos fundadores do portal contrainformativo venezuelano Aporrea. Queria aproveitar a tua posiçom de privilégio nesse campo para que nos fales de como tenhem ultimamente evoluído as cousas aí, porque umha das características do processo venezuelano é que a direita, a pesar de perder o poder político, mantivo sempre um poder mediático muito forte, hegemónico praticamente.

Pola vossa parte, as organizaçons populares que trabalham no ámbito comunicativo sempre tivérom como reivindicaçom que esse poder fosse trespassado da oligarquia às organizaçons populares através de legislaçons específicas que garantissem umha gestom democrática da comunicaçom. Qual é neste momento a situaçom? Houvo avanços? Continua a oligarquia a manejar hegemonicamente a comunicaçom?

GG – Na Venezuela, tomaram-se algumhas medidas que causaram muita polémica. Por exemplo, a nom renovaçom da concessom à televisora RCTV e que, de todos os jeitos, continua a emitir a sua programaçom por cabo.

Hoje muita gente, umha grande parte da populaçom, tem a televisom por cabo, privada. O que nom podem utilizar é as emissons ao ar, o espectro rádio-eléctrico que é administrado polo Estado. Nesse senso, continuam a fazer todo o dano que faziam antes. Criou-se umha nova televisora com o sinal da RCTV chamada Televisora Venezuelana Social mas adiministrada polo governo. Se bem isso é progressivo, nom se trata de que a comunicaçom esteja em maos do governo e do Estado. Trata-se de que se ajude a continuar construindo e desenvolvendo um sistema público de comunicaçom em maos da classe trabalhadora, dos movimentos sociais, dos organismos do poder popular, dos concelhos comunais, das comunas, dos camponenses e camponesas, d@s indígenas. Umha comunicaçom ao serviço do povo e nom do aparelho do Estado exclusivamente.

Entom, é progressivo que, perante os embates contra-revolucionários da direita que som nom somente em contra do governo de Chávez senom em contra das conquistas do povo, democráticas e sociais, e que som também ao serviço dos interesses imperialismo, o governo tome medidas. Mas a ideia é que se criem, que se fundem, televisoras, rádios, jornais, dos movimentos.

Na Venezuela há muitas facilidades em comparaçom com outros países para que os sectores populares tenham meios de comunicaçom. Estám-se criando constantemente, continuam formando-se meios comunitários e alternativos e podem funcionar com bastantes facilidades.

Podemos ver o que se passa quando a direita mais conservadora toma o controlo como está acontecendo nas Honduras, que encerram os meios de comunicaçom, saqueam-nos, assassinam comunicadores populares e alternativos. Entom os que pregoam a liberdade de expressom e acusam Chávez de que vai em contra dela, calam frente a esta realidade.

Na Venezuela temos umha liberdade de expressom enorme. Mas o processo revolucionário deve ir mais alá. Por exemplo há pouco tempo o CONATEL, que é o organismo que rege as telecomunicaçons, recuperou sinais de rádios de emisoras, portanto, encerrou-nas para passar a um outro tipo de situaçom. Rádios televisoras que estavam em maos de sectores empresáriais, privados, particulares e em situaçom irregular, cuja concessom caducara, trespassárom-nas. Nom estavam autorizadas para poder funcionar e o Estado recuperou-nas, fôrom várias dezenas.

Estamos à espera de que o Governo ponha essas emisoras a disposiçom do poder popular e dos movimentos sociais. Nom pode ser que se dêm a instituiçons do Estado, exclusivamente. Por exemplo, derom-lhe umha das rádios à Assembleia Nacional, ao Parlamento. Está bem, é importante que o Parlamento tenha um rádio, mas também é importante que as centrais de trabalhadores/as, que as coordenadoras agrarias, que as comunas que se estám formando de agrupamentos de concelhos populares em zonas das cidades tenham emisoras. Isso é o que corresponde se é que queremos construir o socialismo. Estamos a trabalhar para que seja assim. Temos que convencer @s que nom estejam convencid@s e temos que luitar de todos os jeitos para que a força do povo leve a isso.

Aproveitamos a recente visita ao nosso país de um dos referentes da contra-informaçom venezuelana para lhe realizar umha interessante entrevista.

Estamos a falar de Gonzalo Gómez, galego-venezuelano co-fundador do portal contra-informativo Aporrea, um dos sites referenciais da esquerda latino-americana.

Aliás, estivo connosco Xavier Moreda, colaborador do nosso jornal e presidente da Associaçom Galega de Amizade com a Revoluçom Bolivariana, com quem também pudemos trocar pareceres a respeito do processo revolucionário e das suas actividades na AGARB.

A seguir reproduzimos a entrevista feita a este jornalista revolucionário cujo amor pola Galiza e a nossa cultura ficou de manifesto polo domínio que o Gonzalo demonstrou da língua galega.

Proximamente reproduziremos a que lhe figemos a Xavier Moreda.

DL – Que balanço pode fazer-se dos dous anos de existência do Partido Socialista Unido da Venezuela?

GG – Em primeiro lugar, foi um acerto chamar á conformaçom do PSUV, porque se criou um espaço comum dos distintos sectores da vanguarda política e do movimento popular que está com o processo revolucionário bolivariano. Isto é muito importante para somar forças, para poder construir umha alternativa capaz de soster o que significa levar adiante o projecto da revoluçom bolivariana e enfrentar todos os perigos, ou todas as ameaças, que se apresentam, como já estamos a ver. Portanto, a existência de um partido, como o PSUV, um partido de massas, ao qual estám filiados grandes sectores do povo venezuelano, é fundamental.

O partido converteu-se numha ferramenta de umha imensa participaçom popular. Inicialmente, com umha estrutura baseada nas comunidades dos bairros populares e que começa a dar entrada à participaçom por centros de trabalho e por sectores sociais. Já se estám a conformar patrulhas de trabalhadores nos centros de trabalho, tanto do sector privado como do sector público. Anteriormente, @s trabalhadores/as tinham de participar no PSUV a partir da instáncia territorial, mas agora já podem ter umha presença como classe mais definida. Isto é importante, permite de cara ao futuro que a classe trabalhadora tenha um maior peso na composiçom e aspiramos, também, na direcçom do PSUV. Porque o PSUV, e isso é algo que se está a discutir no congresso, deve ter bem definido qual é o seu quadro de classe, qual é o sujeito social do processo revolucionário na Venezuela, e eu penso que, nom deve haver dúvida, som fundamentalmente os trabalhadores e trabalhadoras junto com outros sectores sociais assovalhados.

Isto é um êxito, porém, o PSUV tem que resolver problemas importantes. Há problemas que tenhem que ver com lastros burocráticos, outros com um peso demasiado forte do funcionariado público e alguns sectores do partido que, aproveitando-se das trasacçons entre o Estado e o Capital, também tomárom privilégios e que representam, neste senso, umha força conservadora na construçom do PSUV. Mas essa discussom está-se a dar na conjuntura do congresso. Estamos a discu os princípios, o programa político que tem de defender o PSUV, está-se fazendo a proposta de que seja um programa para a transiçom ao socialismo e garantir o poder popular como condiçom essencial para a mudança revolucionária, e esse desenlace está por ver-se. Estamos participando nessa construçom e, para além das críticas por alguns detalhes, dentro do partido há espaço para discutir e debater. Esperamos que o resultado disso seja a consolidaçom da orientaçom revolucionária do partido.

DL – Umha das propostas que mais eco está a ter a nível internacional, e que aqui na Galiza também tivo, é a recente proposta de Hugo Chávez para a conformaçom de umha nova internacional, seria a V internacional. Que che parece essa proposta? Concordas com a necessidade de articular umha nova internacional nestes momentos?

GG – Eu acho indiscutível a necessidade de umha organizaçom internacional que articule, que agrupe, que unifique politicamente, e também na actividade, na acçom, todos os movimentos, organizaçons sociais, partidos anticapitalistas, anti-imperialistas, que tenham umha vocaçom orientada para a democracia popular dos trabalhadores e do povo e que apontem para a construçom do socialismo. Esta é umha tarefa que nom se pode atingir se nom for no cenário mundial, porque no-lo demonstra a nossa experiência.

A Venezuela nom pode construir o socialismo, nem atingir a ruptura com o capitalismo e enfrentar a pressom do imperialismo encerrada nas suas fronteiras.

A política da construçom do ALBA, como alternativa para um conjunto de países da América Latina: Cuba, Nicaragua, Bolívia, Ecuador e alguns países das Caraíbas, que já estám participando, mostra um intento de responder a essa necessidade de os países avançarem juntos, e tenhem de avançar os povos. Isto é determinante porque o capitalismo é um sistema mundial. Expressa-se dentro de cada fronteira com características particulares, mas ninguém pode escapar aos efeitos de viver num sistema capitalista globalizado. Tem que ter umha contestaçom global. Ora, dentro dessa resposta global, existem povos com as suas características, cultura, formas de luita; os ritmos dos processos som diferentes, mas é necessário que trabalhemos todos juntos.

Hoje a revoluçom venezuelana nom pode ter êxito definitivo se nom derrotamos o golpe nas Honduras e se a resistência hondurenha nom tira para adiante. Tampouco podemos fazê-lo se nom temos a solidariedade dos outros países frente ao cerco das bases militares ianques.

E estas bases nom som exclusivamente para cercar a Venezuela, também estám lá para agir contra a revoluçom na Bolívia e as mudanças anti-imperialistas e progressitas do Ecuador.
A proposta de umha V internacional já é umha questom de salvaçom geral da humanidade. Num mundo onde estamos contra a espada e a parede, onde a legenda de socialismo ou barbárie está mais clara ainda, porque se está prevendo que do ponto de vista ecológico, o equilíbrio, a biodiversidade, o clima, o sistema capitalista está acabando com as possibilidades de sobrevivência da espécie humana e de muitas formas de vida do planeta, é imprescindível umha revoluçom anticapitalista e a construçom do socialismo em todo o mundo, e isso nom se pode fazer cada um polo seu lado. Som necessárias formas unificadas para dar essa batalha.

Há umha proposta, é umha oportunidade de discussom. É umha proposta que nom descarta as experiências, mas sim aponta a que se podam tomar em consideraçom os erros cometidos na construçom do que foi a I, II, III e IV Internacional. Deve recolher-se a experiência mundial de luita revolucionária da classe trabalhadora e dos povos e ver qual vai ser a configuraçom, quais os limites ou os referentes da construçom dessa V internacional. Nom pode ser umha V internacional controlada ou submentida polos que capitulam ao capitalismo, polos que nom tenhem actividade clara internacional de solidariedade com os povos, os que nom tenhem um internacionalismo prático, que vam fazer aí? Falar e nom respaldar isso com a sua conduta. Pode ser que a esses cenários assomem correntes reformistas, sectores de centro-esquerda que tenhem participado em governos e que o que figérom foi administrar o capitalismo e reconduzí-lo em situaçons de crise.

Com esse tipo de organizaçons nom vamos poder construir a V internacional que se necessita, se é que vamos contruir a V internacional. Mas isso há que discuti-lo. A oportunidade de discuti-lo é muito importante, nom se deve perder.

DL – Na América Latina vem constituindo-se umha plataforma de carácter unitário, a Coordenadora Continental Bolivariana, que recentemente se transformou em Movimento Continental Bolivariano num encontro de centenas de representantes de numerosos países do continente, e também do resto do mundo, que tivo lugar, precisamente, na capital da Venezuela. Que opiniom tés dessa articulaçom de forças revolucionárias chamada Movimento Continental Bolivariano?

GG – Eu nom tivem oportunidade de participar mas estou enteirado da convocatória. Coincidiu, no meu caso, com a obrigaçom de participar nas sessons do congresso do PSUV, como delegado que som.

Mas, com a mesma lógica do que falávamos acerca da V internacional, que se agrupem, que intercambiem experiências, que tratem de pór-se de acordo em fórmulas e propostas políticas comuns para resistir ao imperialismo na América Latina, para defender a soberania dos povos, resgatando ou tomando como base a herdança do bolivarianismo, que foi a luita independentista dos países da América Latina, é um passo importante.

Há que saudar toda forma de articulaçom, unificaçom dos movimentos para trabalhar em conjunto e, neste senso, quero denunciar que há um intento sistemático do governo da Colómbia, um governo narco-paramilitar, que representa a antítese do que nós queremos para os nossos povos, e por parte do imperialismo norteamericano, de estigmatizar e de etiquetar estes intentos de agrupamento dos movimentos progressistas e da América Latina. Tacham-nos de terroristas, tratam de justificar o assédio, e a possibilidade de submetê-los a perseguiçom ou a medidas arbitrárias de qualquer tipo onde queira que se encontrem @s activistas. Isto rechaço-o e mostro toda a solidariedade com a gente que está afectada por esta ofensiva.

DL – Recentemente mudárom as condiçons entre a Venezuela e a Colómbia, devido à intervençom directa ianque com a instalaçom de novas bases militares, nom só contra as FARC, senom também para realizar umha pressom contra a própria revoluçom bolivariana. Como crês que vam influir estas novas condiçons surgidas da ofensiva imperialista no interior do processo venezuelano?

GG – Esta ofensiva, que aumenta agora com o convénio da instalaçom das bases, já começou há tempo. Entre outras cousas, há umha política da Colómbia de infiltraçom, de penetraçom, na Venezuela, com grupos paramilitares. Estes já estám fazendo as suas actividades em contra do processo revolucionário venezuelano mas, também, em contra dos direitos humanos e das instituiçons democráticas venezuelanas.

Os paramilitares estám nas cidades, em povoaçons fronteiriças. Fam seqüestros e actos de sicariato ajudando terratenentes e gandeiros para assassinarem dirigentes camponeses ou arrebatarem terras aos indígenas. Vam-se aprópriando de território. Isto combina, por umha parte, assegurar espaços para o seu negócio, o narcotráfico, que é umha indústria de que vivem também os que estám no governo da Colómbia e os EUA porque lhes serve para justificarem muitas cousas e, por outra, ocupam espaço. Estám em condiçons de permitir um futuro controlo militar e, ao mesmo tempo, arremetem contra a dirigência popular e política.

Na Venezuela, no ano 2004, depois do golpe e a sabotagem petroleira, descobriu-se que estavam instalando, nas redondezas de Caracas, grupos paramilitares numha fazenda de um irmao da actriz Maria Conchita Alonso, Rober Alonso, e fôrom detidos cerca de 100 paramilitares. Alguns deles fôrom repatriados depois, outros estivérom um tempo na cadeia na Venezuela. Era para fazer actividades golpistas ou planos magnicidas. Assim que houvo arremetidas muito importantes.

Isto também lhes serve para poder, desde estas bases, com esta política de pressom, ajudar ao plano político que tenhem, recuperar o controlo de instituiçons do Estado, e desde elas, manobrando como nas Honduras, desestabilizar o governo de Chávez. Se eles retomassem parte do controlo da Assembleia Nacional ou doutras instituiçons tentariam combinar a pressom militar com operaçons de corte político, mas acho que isto vai mais alá ainda. O problema tem que ver com a situaçom da guerra que há no interior da Colómbia.

Aliás, eles lobregam o problema da escassez de recursos energéticos, da água, estám, mesmamente, situados estrategicamente na beira da Amazónia. Cobiçam os recursos de todos os países, incluído o Brasil. Eles estám pensando em como obtenhem desde essa plataforma a possibilidade de meter-lhe mao a todos os recursos da América do Sul. Para isso, vam tentar dividir países, aproveitar qualquer tipo de possibilidade de fragmentaçom. É toda umha operaçom que vai além do governo de Chávez e da revoluçom bolivariana porque há um processo continental, na América Latina, e eles também tenhem umha crise que lhes obriga, como imperialismo, a subsistir a umha espécie de recolonizaçom, umha reconquista de espaços em que se fôrom delimitando progressivamente. Este nom é um problema nada mais dos latino-americanos. O fortalecimento do imperialismo e a possibilidade de que fossem derrotados os processos revolucionários na América Latina vai repercutir em todos. Sobretodo, naqueles povos que tenhem luitas de carácter nacional, independentistas, que estám enfrontando algum tipo de império. Naturalmente, o imperialismo norte-americano é sócio de todas as manifestaçons que tem o imperialismo europeu, incluído o Estado espanhol.

DL – Em relaçom com esta infiltraçom por parte do imperialismo contra o processo revolucionário venezuelano e a próxima convocatória de processos eleitorais na Venezuela. Como vês a correlaçom de forças? Pensas que o movimento bolivariano vai conseguir manter a hegemonia actual? Conseguirá a direita pro-imperialista introduzir-se nas instituiçons? Quais as perspectivas?

GG – Todos as sondagens de opiniom indicam que Chávez sobrepassa 60% de popularidade. Caso se figessem eleiçons presidenciais hoje, Chávez arrasaria novamente. A direita nom tem capacidade de mobilizaçom na rua. Fai operaçons de carácter mediático para chamar a atençom, formar escándalo a nível internacional, denunciar o governo venezuelano e fazer pressom sobre ele.

Todavia, ainda que o povo venezuelano conquistou muitos benefícios sociais, democráticos e do ponto de vista de participaçom, como nom os tivera nunca antes, o povo vai por mais. Quando o avanço nom é à velocidade esperada, ou quando se deterioram algumhas das conquistas obtidas, costuma acontecer que sectores do povo entrem numha situaçom de desencanto ou apatia e isso diminui a vontade de participaçom para defender o que tenhem com o seu voto. Isto representa umha situaçom de perigo, temos que estar à espreita. Som indubitáveis os avanços, os benefícios, que a revoluçom bolivariana, e o governo do presidente Chávez, deu ao povo venezuelano. Eis a diminuiçom da pobreza, a melhora da saúde, da educaçom, a experiência de começar a desenvolver formas de poder popular, com organizaçom comunitária, com participaçom democrática do povo.

No entanto, fenómenos como o burocratismo, como a corrupçom, como as travas para a aplicaçom das políticas, que vam desde a luita com o latifúndio, que nalguns momentos nom avança como deve avançar, até formas inadequadas de manejar a relaçom com os trabalhadores em empresas do Estado, podem ter um efeito negativo se nom forem corrigidos. Esperamos que o congresso o discuta e que se determinem as medidas para a reorientaçom necessária. O próprio presidente Chávez fijo a crítica. A revoluçom nom pode apostar ao equilíbrio, à estabilidade permanente. Ou a revoluçom avança ou retrocede. Temos detrás ao imperialismo que se está preparando, assim trabalhe com a cenoura ou com o garrote, mas está aí constantemente, à espera da sua oportunidade. A direita o que quer é recuperar a administraçom do Estado venezuelano e do governo que perdeu de forma directa.

Hoje nom podemos dizer que na Venezuela há um governo directo da classe trabalhadora, que já se pode falar de um país socialista. Estamos num país capitalista ainda. Administrando ainda as estruturas do estado burguês. O poder popular ainda nom se desenvolveu suficientemente como para que se estabeleça um governo dos trabalhadores e trabalhadoras e dos diferentes sectores do povo, junto com Chávez, naturalmente. Se nom vamos cara a isso a direita tem possibilidades de recuperar. Muitas transformaçons requerem umha aceleraçom, um novo empurrom para que podamos contar com todo o entusiasmo e a vontade do povo e que nom se permita que sectores oportunistas, conservadores ou traiçoeiros podam fazer umha má jogada ao processo revolucionário na Venezuela.

DL – O Gonzalo é um dos fundadores do portal contrainformativo venezuelano Aporrea. Queria aproveitar a tua posiçom de privilégio nesse campo para que nos fales de como tenhem ultimamente evoluído as cousas aí, porque umha das características do processo venezuelano é que a direita, a pesar de perder o poder político, mantivo sempre um poder mediático muito forte, hegemónico praticamente.

Pola vossa parte, as organizaçons populares que trabalham no ámbito comunicativo sempre tivérom como reivindicaçom que esse poder fosse trespassado da oligarquia às organizaçons populares através de legislaçons específicas que garantissem umha gestom democrática da comunicaçom. Qual é neste momento a situaçom? Houvo avanços? Continua a oligarquia a manejar hegemonicamente a comunicaçom?

GG – Na Venezuela, tomaram-se algumhas medidas que causaram muita polémica. Por exemplo, a nom renovaçom da concessom à televisora RCTV e que, de todos os jeitos, continua a emitir a sua programaçom por cabo.

Hoje muita gente, umha grande parte da populaçom, tem a televisom por cabo, privada. O que nom podem utilizar é as emissons ao ar, o espectro rádio-eléctrico que é administrado polo Estado. Nesse senso, continuam a fazer todo o dano que faziam antes. Criou-se umha nova televisora com o sinal da RCTV chamada Televisora Venezuelana Social mas adiministrada polo governo. Se bem isso é progressivo, nom se trata de que a comunicaçom esteja em maos do governo e do Estado. Trata-se de que se ajude a continuar construindo e desenvolvendo um sistema público de comunicaçom em maos da classe trabalhadora, dos movimentos sociais, dos organismos do poder popular, dos concelhos comunais, das comunas, dos camponenses e camponesas, d@s indígenas. Umha comunicaçom ao serviço do povo e nom do aparelho do Estado exclusivamente.

Entom, é progressivo que, perante os embates contra-revolucionários da direita que som nom somente em contra do governo de Chávez senom em contra das conquistas do povo, democráticas e sociais, e que som também ao serviço dos interesses imperialismo, o governo tome medidas. Mas a ideia é que se criem, que se fundem, televisoras, rádios, jornais, dos movimentos.

Na Venezuela há muitas facilidades em comparaçom com outros países para que os sectores populares tenham meios de comunicaçom. Estám-se criando constantemente, continuam formando-se meios comunitários e alternativos e podem funcionar com bastantes facilidades.

Podemos ver o que se passa quando a direita mais conservadora toma o controlo como está acontecendo nas Honduras, que encerram os meios de comunicaçom, saqueam-nos, assassinam comunicadores populares e alternativos. Entom os que pregoam a liberdade de expressom e acusam Chávez de que vai em contra dela, calam frente a esta realidade.

Na Venezuela temos umha liberdade de expressom enorme. Mas o processo revolucionário deve ir mais alá. Por exemplo há pouco tempo o CONATEL, que é o organismo que rege as telecomunicaçons, recuperou sinais de rádios de emisoras, portanto, encerrou-nas para passar a um outro tipo de situaçom. Rádios televisoras que estavam em maos de sectores empresáriais, privados, particulares e em situaçom irregular, cuja concessom caducara, trespassárom-nas. Nom estavam autorizadas para poder funcionar e o Estado recuperou-nas, fôrom várias dezenas.

Estamos à espera de que o Governo ponha essas emisoras a disposiçom do poder popular e dos movimentos sociais. Nom pode ser que se dêm a instituiçons do Estado, exclusivamente. Por exemplo, derom-lhe umha das rádios à Assembleia Nacional, ao Parlamento. Está bem, é importante que o Parlamento tenha um rádio, mas também é importante que as centrais de trabalhadores/as, que as coordenadoras agrarias, que as comunas que se estám formando de agrupamentos de concelhos populares em zonas das cidades tenham emisoras. Isso é o que corresponde se é que queremos construir o socialismo. Estamos a trabalhar para que seja assim. Temos que convencer @s que nom estejam convencid@s e temos que luitar de todos os jeitos para que a força do povo leve a isso.

FONTE: Diário Liberdade

Plano criminoso colombiano pretende assassinar dirigentes revolucionári@s latinoamericanos, caribenhos e europeus

2010-02-02T12:17:00.000-08:00

FONTE: MCB-GALIZA

Tal como denuncia o Partido Comunista de Venezuela e a Direcçom Geral do MCB está em andamento um plano criminoso promovido polo governo colombiano, com apoio da CIA e o Mossad, para assassinar e sequestrar destacad@s dirigentes revolucionári@s venezuelanos e de outros países. Um comando terrorista teria penetrado em território venezuelano para assassinar quadros do movimento revolucionário.
Óscar Figuera, secretário geral do PCV, os membros da presidência Colectiva do MCB Narciso Isa Conde e Iñaki Gil de San Vicente, assim como o jornalista Jorge Enrique Botero, som algumhas das pessoas ameaçadas. A lista inclui a dirigentes do PCV, PSUV, M-28 e a Coordenadora Cultural Simón Bolívar.
Reproduzimos integramente o comunicado do Movimento Continental Bolivariano emitido hoje em Caracas.

DECLARAÇOM PÚBLICA À COMUNIDADE NACIONAL E INTERNACIONAL

O Movimento Continental Bolivariano MCB, confirma, mediante a presente declaraçom, a denúncia realizada polo Partido Comunista da Venezuela, respecto à intromissom, em território venezuelano, de um comando de elite colombiano, treinado desde há 2 anos pola CIA e o Mossad, para realizar actos de assassinato e sequestro contra dirigentes revolucionários venezuelanos e internacionalistas, entre eles membros do nosso movimento.

Antecedentes:

1.Os dias 8 e 9 de Dezembro do 2009, foi constituido em Caracas o MCB, como umha organizaçom antiimperialista, bolivariana e internacionalista, com a participaçom de mais de 1.200 delegad@s, contando com a representaçom de 30 países e umha diversidade de organizaçons políticas, sociais e culturais.
2.Dias antes da inauguraçom do nosso Congresso, o Governo colombiano pujo em andamento una campanha de criminalizaçom do nosso movimento, sob o pretexto do nomeamento de Alfonso Cano, máximo líder das FARC-EP, na presidência colectiva, lançando a ameaça de judicializar e perseguir @s membros do MCB.
3.Um mês mais tarde, em Janeiro del 2010, Uribe arremete novamente através da sua Chanceleria contra as organizaçons revolucionárias e personalidades solidárias com as luitas do povo colombiano, acusando-os de ser criminosos de colo branco e que seriam o apoio internacional da insurgência colombiana. Posteriormente anunciou umha ofensiva “diplomática” que semanas mais tarde materializaria-se em ameaças públicas contra refugiados colombianos na Suécia e outros países da Europa declarando na Rádio RCN: “E a estes criminosos, a este psiquiatra e outros bandidos que som colombianos profissionais que vivem por alá na Suécia e outros países, a todos, a todos temos que acabá-los”. (cita textual).
4.Nos mesmos dias de Janeiro de 2010, criminalizou-se por meio da imprensa espanhola e colombiana (El País y El Tiempo) ao dirigente e intelectual marxista do País Basco Iñaki Gil de San Vicente. Do mesmo jeito, na República Dominicana, tenhem-se detectado e denunciado vários planos de assassinato contra o dirigente revolucionário Narciso Isa Conde, ambos membros da Presidência colectiva do MCB.
5.Posteriormente será o jornalista colombiano e ex-director de Telesur, Jorge Enrique Botero, quem recibiria sérias ameaças públicas, pola sua participaçom no Congresso do MCB, de parte do principal assesor de Uribe José Obdulio Gaviria.
É neste contexto que há alguns dias, a inteligência revolucionária e popular, descubriu um plano criminoso contra dirigentes revolucionários venezuelanos e internacionalistas vinculados ao MCB, entre eles membros do PCV, o PSUV, o M-28 e a Coordenadora Cultural Simón Bolívar, encontrando-se ameaçado assim mesmo, o Secretário geral da Direcçom executiva do MCB e membro do Comité Central do Partido Comunista de Chile, o camarada Carlos Casanueva quem se acha na Venezuela.

Devemos destacar que esta campanha realiza-se no meio de umha nova ofensiva do império contra os governos revolucionários e progressistas do nosso continente, numha tentativa por reverter o avanço dos povos do mundo por organizar-se e libertar-se do jugo imperialista.

É por isto que responsabilizamos ao imperialismo ianque e ao seu títere na regiom, o governo narco-paramilitar de Uribe Vélez, do que poda acontecer-lhes a estes dirigentes bolivarianos.

Reafirmando o nosso compromisso com a luita dos povos da nossa América e o mundo, apelamos aos movimentos revolucionários e populares a denunciar e desmascarar este novo plano criminoso que pretende internacionalizar o conflito colombiano , como já o realizárom há dous anos no Equador.

Direcçom Geral do Movimento Continental Bolivariano

Caracas, 2 de FevereiRO de 2010

Saudaçons portuguesas para a AGARB

2010-01-19T08:54:00.000-08:00

Desde Portugal o Colectivo "Tirem as Mãos da Venezuela" (TMV) saúda Associaçom Galega de Amizade com a Revoluçom Bolivariana (AGARB) na sua iniciativa de trazer o companheiro Gonzalo Gomez para uma palestra na Galiza.
http://tirem-as-maos-da-venezuela.blogs.sapo.pt/

Somos um pequeno grupo de escassos recursos, somos jovens trabalhadores portugueses solidários com a luta anti-capitalista e anti-imperialista do povo venezuelano e da Revolução Bolivariana. Gostariamos de colaborar no futuro com a AGARB em iniciativas similares que possam trazer a Portugal companheiros venezuelanos como o companheiro Gonzalo para esclarecer o povo português sobre a verdadeira situação na Venezuela revolucionária, aquela que os Media deturpam.

Pela Revolução Bolivariana continental, contra as bases militares yanques!
Contra a crise capitalista, o Socialismo é o caminho!

Um abraço de irmandade do povo português para o povo galego!
Um abraço revolucionário para o povo bolivariano da Venezuela!
Luís Rocha do Colectivo TMV

O processo revolucionário acha-se numha encruzilhada no que é urgente optar por avançar na via socialista

2010-01-19T08:43:00.000-08:00

Assim de clarificador foi Gonzalo Gomez no acto público realizado onte em Vigo organziado pola AGARB. O revolucionário venezuelano de origem galego analisou a actual situaçom do processo bolivariano em curso destacando a necessidade de romper com o estado burguês e avançar na construçom de poder popular pois “corremos o risco de retrocesso e derrota”.

A palestra iniciou-se com a leitura de umha saudaçom e reconhecimento da actividade da AGARB por parte do colectivo solidário português "Tirem as Mãos da Venezuela" destacando a presença na sala de um dos seus membros, o companheiro Luís Rocha.

O impulsionador de Aporrea manifestou a incondicional solidariedade com o povo haitiano e denunciou a actual intervençom militar norteamericana justificada sob “ajuda humanitária” que se acrescenta à activaçom da IV Frota, a instalaçom de sete novas bases na Colômbia, activaçom das bases militares nas colónias holandesas das Caraibas, o golpe de estado nas Honduras, assim como a penetraçom silenciosa do paramilitarismo colombiano na Venezuela responsável de assassinatos de dirigentes camponeses, líderes sindicais, incremento do narcotráfico, subornos de funcionários e militares.

Frente a um incerto cenário onde cada dia cobra mais força o perigo da sabotagem e a guerra mediática promovida pola burguesia Gonzalo Gomez foi contundente à hora de demandar a adopçom de enérgicas medidas pois “na Venezuela ainda vivimos num sistema capitalista e temos um estado burguês”. Embora a “direita nom tem capacidade de mobilizaçom nas ruas sim pode neutralizar e conter votos populares”. Por este motivo a actual encruzilhada é histórica. Embora até agora a maioria das batalhas tenhem sido vitoriosas a derrota do referendo constitucional de Dezembro de 2007 acendeu as alertas. É necessário avançar na unidade e organizaçom popular para poder “destruir o estado burguês, acabar com a burocracia e dar o poder real aos trabalhadores e trabalhadoras”.

Embora o “imperialismo nom o tem fácil” é urgente que as forças revolucionárias pressionem para evitar retocessos e umha derrota eleitoral, mas basicamente há que construir poder popular em todos os ámbitos sociais e económicos para que o povo venezuelano seja o verdadeiro dono dos seus destinos avançando na construçom do socialismo.

Palestra sobre as processo revolucionário venezuelano com Gonzalo Gomez

2010-01-11T12:45:00.000-08:00

AGARB organiza palestra com Gonzalo Gomez Freire, director do portal contrainformativo aporrea.org em Vigo sob a legenda "Para ser Poder Popular. Perspectivas do processo revolucionário venezuelano".

Será a próxima segunda-feira, 18 de Janeiro, às 20h, na Casa da Cultura Galega (Antigo concelho). Praça da Princesa de Vigo

Nova Cônsul da Venezuela recebe AGARB

2009-09-21T12:15:00.000-07:00

Xavier Moreda, coordenador nacional da AGARB, foi recebido no Consulado por Mónica Chacín, a nova representante da República Bolivariana da Venezuela na Galiza.

A AGARB saúda e dá as boas vindas à Galiza, e deseja grandes êxitos nas suas tarefas e respondabilidades na defesa os interesses do País irmao.

AGARB DENÚNCIA INSTALAÇOM DE BASES IANQUIS NA COLÔMBIA

2009-09-13T12:57:00.000-07:00

A AGARB quer manifestar a sua solidariedade ao governo da República Bolivariana da Venezuela.
É preciso dizer que a instalaçom das bases dos Estados Unidos na Colômbia nom é como pretendem fazer entender ao mundo, um asunto interno.
Essas bases som já o início de umha agressom militar, umha invasom que o colaboracionista Uribe permite impunemente.

Ninguém no mundo pensa que essas bases, que essas tropas com os seus armamentos se despregárom na América Latina para outra cousa que nom fora assegurar o controlo territorial e político de umha regiom que os especialistas consideram como a mais rica do planeta polos seus recursos naturais -aqüíferos, energéticos, biodiversidade, minerais, agricultura, et cétera-. O contrario é un exercicio de cinismo; quando o imperialismo o considerar oportuno intervirá. Constituiria umha imperdoável estupidez pensar o contrário.
Coincidimos com as declaraçons do embaixador da República Bolivariana da Venezuela , Julián Isaías Rodríguez Díaz, na sua nota referida as bases do império“há muitas razons para que Europa veja com cuidado la harmonia na regiom”.
Recusamos e consideramos que a UNASUR deve recusar radical e energicamente a presença dos Estados Unidos e exigir a suspensom do processo de instalaçom das bases. Isto nom é um “assunto interno” da Colômbia: ninguém mentalmente equilibrado pode invocar os direitos soberanos de um país para justificar a instalaçom no seu próprio território de forças e equipamentos militares que só poderám trazer destruiçom e morte aos seus paises vizinhos.

Pátria, Socialismo ou morte, venceremos!

O coordenador da AGARB
Xavier Moreda

Galiza, 8 de Setembro de 2009

Comemoraçom Dia Nacional da Venezuela

2009-07-03T07:45:00.000-07:00

A cidade de Vigo acolhe os actos comemorativos do 198 aniversário da Independência da Venezuela.
Sexta-feira 3 de Julho a partir das 19 horas tem lugar o acto central no auditório municipal do Areial com a intervençom de Elsy Fernández, Cônsul da República Bolivariana da Venezuela na Galiza, e de Xavier Moreda, coordenador nacional da AGARB. Neste acto será apresentado publicamente a ediçom facsimilar de “Lo gallego de Simón Bolívar” da autoria do polifacético artista pontevedrês Xosé Sesto.
O texto, editado en Caracas em 1982 pola “Hermandad Gallega de Venezuela”, é umha das primeiras investigaçons divulgativas que confirmam a relaçom familiar do Libertador com a Galiza.

O caderno editado conjuntamente pola AGARB e o Consulado conta com umha apresentaçom de César Portela e um prólogo de Carlos Morais.
Por este motivo, coincidindo com o 198 aniversário da Independência da naçom caribenha, reproduzimos este “documento tam interessante como pouco conhecido que confirma os intensos vínculos entre ambos povos, entre a Galiza e a Venezuela, que reafirmam a nossa profunda irmandade”.

As comemoraçons finalizam domingo 5 de Julho com umha oferta floral às 12 horas diante do busto do Libertador na rua Venezuela de Vigo.

Open publication - Free publishing - More venezuela

Projecçom de Flores Tristes

2009-05-27T05:15:00.000-07:00

A AGARB e o Consulado da República Bolivariana da Venezuela na Galiza organizam projecçom do documentário Flores Tristes, prémio Mestre Mateu 2009 como melhor longametragem documentária.

No acto que se celebrará a quinta-feira 4 de Junho, às 20 horas, no Centro Cultural Caixanova de Vigo (rua Marquês de Valadares) estará presente o seu director Teo Manuel Abad.
O filme, que recolhe imagens históricas com a recreaçom de conhecidos factos, denúncia sem contemplaçons a repressom fascista na Galiza, contando também com testemunhas directas que padecérom a barbárie do holocausto galego, assim como declaraçons de investigadores e activistas da memória.

Nova vitória eleitoral da Revoluçom Bolivariana

2009-02-17T17:31:00.001-08:00

A AGARB manifesta a sua imensa satisfacçom pola vitória do Sim no referendo realizado na Venezuela domingo 15 de Fevereiro.
A AGARB mais umha vez transmite parabens o povo venezuelano pola sua firme decisom de apoiar a modificaçom constitucional que reforça o processo em curso debilitando as aspiraçons reaccionárias da oligarquia.

O processo revolucionário referendado por 6.310.482 votos (54.85%) frente a 5.193.839 (45.14%) é umha contundente vitória popular que contribui a marcar decisivamente a via socialista, mas também outros processos anti-imperialistas a escala continental, e obviamente a reforçar a esquerda de todo o planeta.

A AGARB considera que a Revoluçom Bolivariana tem diante sua enormes reptos que superar. Esta vitória permitirá abordar em melhores condiçons a superaçom de inércias e limitaçons inerantes ao processo, abandonando definitivamente todos os vícios da IV República que ainda persistem no aparelho estatal.

Chegou a hora de saldar as dívidas contraídas com o povo que aguarda com esperança a integral reabilitaçom do aparelho administrativo, a erradicaçom do burocratismo, umha real e profunda distribuiçom da riqueza e recursos do país, a aplicaçom de políticas que eliminem de raíz a delinquência e insegurança instalada sociologicamente.

Embora muitos votos procedem de um eleitorado cansado de esperar polas dificuldades de todo tipo, e que aguarda impacientemente atingir as metas que nom se logram, a confiança depositada no comandante Hugo Chavez é imensa.
Mas o PSUV tem que ser mais do que essa máquina eleitoral que sem dúvida demonstrou ser, eficiente e com resultados eleitorais indiscutíveis. Tem que dialogar com o resto da esquerda revolucionária, construir espaços de unidade e luita. Deve aprofundar na democracia popular e participativa.

Com esta vitória, o PSUV e todo o movimento Bolivariano deve começar um processo, já em parte implementado, caracterizado pola autocrítica que ajude a renovar as estruturas tanto das Missons como dos ministérios estratégicos com a finalidade de recortar o gasto público desnecessário, protegendo e aumentando na medida do possível os fundos com destino ao investimento e ao gasto social.

A Revoluçom Bolivariana deve ratificar a sua vocaçom inequivocamente socialista promovendo a auto-organizaçom e poder popular, aprofundando no verdadeiro socialismo desmontando a economia de mercado vigorante hoje em dia na Venezuela.

Viva a Revoluçom Bolivariana!
Pátria, Socialismo ou Morte!

Galiza, 16 de Fevereiro de 2009

Gonzalo Gomez e Aramita Padrino difundírom na Galiza realidade da Venezuela revolucionária

2009-02-06T16:50:00.001-08:00

AGARB valoriza positivamente a gira pola Galiza do camarada Gonzalo Gómez Freire e da camarada Aramita Padrino Gonzalez dando a conhecer de primeira mao a realidade do processo revolucionário venezuelano.

Entre o 7 e 14 de Janeiro organizamos quatro actos públicos nas cidades da Corunha, Ferrol, Vigo e Compostela para difundir no nosso país, sem manipulaçons mediáticas, a actualidade da Revoluçom Bolivariana.
Gonzalo Gómez Freire, jornalista de origem galego que dirige o portal contrainformativo e revolucionario Aporrea.org, -principal exponte do movimento comunicativo bolivariano-, e a advogada das vítimas do golpe de Estado do ano 2002, -actualmente o frente do juízo contra os comisários e polícias golpistas que assassinárom a manifestantes bolivarianos em Puente Llaguno e na Avenida Baralt de Caracas-, cumprírom as expectativas d@s assistentes às charlas à hora de transmitir com rigor, mas também com firmeza e compromisso revolucionário a actual situaçom do processo em curso neste país irmao.

A AGARB agradece aos centros sociais Gomes Gaioso, Gentalha do Pichel e Artábria a sua colaboraçom, assim como a Aula de Cultura de Caixa Galiza de Vigo para o desenvolvimento desta iniciativa.

Com grande satisfacçom a AGARB comprovou como a galeguidade segue presente e viva entre a comunidade de origem galega comprometida com a revoluçom socialista bolivariana. Para surpresa da assistência aos actos Gonzalo Gomez nom só empregou com grande correcçom e soltura o nosso idioma, também manifestou o seu completo e polifacético perfil de revolucionário integral cantando diversas cançons revolucionárias venezuelanas e galegas.

15 de Fevereiro: um Sim pola Venezuela de Bolívar. Pola Soberania Nacional e o Socialismo

2009-02-06T15:57:00.000-08:00

O resultado da emenda constitucional que se submete a referendo na República Bolivariana da Venezuela o vindouro domingo 15 de Fevereiro é fulcral para o futuro do processo revolucionário que vem de comemorar dez anos. Mas também para manter acceso o ciclo actual de mudanças transformadoras em América Latina e as Caraíbas.

Nesta década o povo trabalhador venezuelano, sob o liderato do comandante Hugo Chávez, tem atingido enormes conquistas sociais em matéria de educaçom, saúde, liberdades, participaçom social, democracia real.
Venezuela recuperou a sua plena soberania nacional pola qual luitou Bolívar, libertando-se do submetimento aos Estados Unidos praticado polos governos corruptos da IV República e das etapas históricas precedentes.
Os enormes recursos energéticos e minerais do país estám por primeira vez ao serviço da imensa maioria da populaçom, já nom som unicamente umha fonte de enriquecimento ilimitado da corrupta oligarquia que governava Venezuela como se da sua finca privada se tratasse.

Fica ainda muito caminho por percorrer no desenvolvimento, implementaçom e aprofundaçom do projecto socialista bolivariano. A vitória do Sim 15 de Fevereiro é determinante para avançar na construçom de umha nova Venezuela. Hugo Chávez é a dia de hoje imprescindível e insubstituível para consolidar o processo e para abrir umha nova etapa mais socialista, para superar o capitalismo. O Sim é fundamental para avançar no horizonte da Pátria Grande de Bolívar, da América pola que luitárom e morrérom Simón Bolívar e o Che.

A oligarquia sob a batuta do imperialismo norteamericano sabe que o Sim vai ganhar o dia 15. Por isso está tentando desestabilizar o país, exercendo o terrorismo, manipulando a opiniom pública, incitando ao magnicídio e golpe de estado. Nom se pode retroceder. Há que evitar que a oligarquia recupere o poder.

A Associaçom Galega de Amizade com a Revoluçom Bolivariana (AGARB) apela ao conjunto d@s venezuelanos e venezuelanas que residem no nosso país a participar no referendo emitindo um voto afirmativo a prol da independência nacional, de umha sociedade mais justa e igualitária, do Socialismo.

É um dever patriótico e revolucionário emitir um voto afirmativo nas instalaçons que o Consulado da República Bolivariana da Venezuela na Galiza tem em Vigo.

Com Chávez até a vitória!

Pátria, socialismo ou morte!

Galiza, 10 de Fevereiro de 2009

AGARB saúda III Congresso de BRIGA

2009-01-22T06:17:00.000-08:00

Saudaçons revolucionarias no vosso quase já quinto aniversário.

Desejamos que o vosso terceiro congresso sirva e cumpra com as vossas
necessidades de consolidaçom e com o vosso compromisso com o
movimento de libertaçom nacional, com entusiasmo irrefreável e com
vontade revolucionária de crença plena no futuro, para continuar a
brigar, combatendo aos mesmos inimigos comuns do povo trabalhador e
contra o imperialismo espanhol, norte americano e sionista.

Um abraço bolivariano; internacionalista e fraterno, em nome da Associaçom Galega de Amizade com a Revoluçom Bolivariana e no meu próprio.

O coordenador: Xavier Moreda

Galiza, 17 de Janeiro de 2009

AGARB transmite parabéns ao governo venezuelano pola sua valente posiçom frente ao terrorismo sionista

2009-01-07T14:34:00.000-08:00

A decisom do governo bolivariano da Venezuela, por meio de um comunicado do Ministério do Poder Popular para as Relaçons Exteriores, de expulsar o embaixador israelita como protesto pola invasom de Israel contra a Faixa de Gaza, é umha grande notícia para os povos do mundo.

A República Bolivariana da Venezuela voltou novamente a traçar o caminho na luita contra o imperialismo frente à hipocrisia, o cinismo e os falsos lamentos das condenas estéreis a que nos tenhem habituados Ocidente e os seus governos cúmplices deste genocídio.

O silêncio da Junta da Galiza e a ambígua posiçom do governo espanhol permitem que o terrorismo sionista continue a destruir Gaza e a assassinar impunemente a populaçom civil.

A AGARB manifesta o seu apoio à resistência palestiniana e o seu legítimo direito de combater a invasom, e defender um Estado palestiniano com capital em Jerusalém.

A continuaçom, reproduzimos o comunicado emitido pola República Bolivariana da Venezuela:

COMUNICADO

O Governo da República Bolivariana da Venezuela presença mais umha vez, junto os Povos do mundo, o horror da morte de crianças e mulheres inocentes, produto da invasom da Faixa de Gaza por tropas israelitas, e do bombardeamento inclemente que, do céu e da terra, descarrega sistematicamente o Estado de Israel sobre território palestiniano.

Nesta hora trágica e indignante, o Povo da Venezuela manifiesta a sua solidariedade irrestrita com o heróico Povo Palestiniano, comunga na dor que embarga milhares de famílias pola perda de seres queridos, e tende-lhes a mao ao afirmar que o Governo venezuelano nom descansará até ver severamente castigados os responsáveis por estes crimes atrozes.

O Governo da República Bolivariana da Venezuela condena talhantemente as flagrantes violaçons do Direito Internacional em que tem incorrido o Estado de Israel, e denuncia a sua utilizaçom planificada do terrorismo de Estado, com que este país se tem situado à margem do concerto das Naçons.

Polas razons antes mencionadas, o Governo da República Bolivariana de Venezuela decidiu expulsar o Embaixador de Israel e parte do pessoal da Embaixada de Israel na Venezuela, reafirmando a sua vocaçom de paz e a sua exigência de respeito polo Direito Internacional.

O Governo da República Bolivariana da Venezuela instruiu a sua Missom perante a ONU para que, junto à maioria de governos que assim o reclamam, pressione para que o Conselho de Segurança aplique medidas urgentes e necessárias para deter esta invasom do Estado de Israel contra o território palestiniano.

O Presidente Hugo Chávez, quem tem mantido encontros com altos representantes do Conselho Mundial Judeu e sempre se tem oposto o anti-semitismo como a qualquer tipo de discriminaçom e de racismo, realiza um apelo fraterno ao povo judeu através do mundo para que se oponha a estas políticas criminais do Estado de Israel que lembram as piores páginas da história do século XX. Com o genocídio do Povo Palestiniano, o Estado de Israel nunca poderá oferecer ao seu Povo a perspectiva de umha Paz tam necessária como duradoira.

Caracas, 6 de Janeiro de 2009

Charlas sobre a realidade venezuelana sem manipulaçons

2008-12-31T14:30:00.000-08:00

A AGARB organiza entre o 7 e 14 de Janeiro quatro actos públicos para dar a conhecer a a actualidade da Revoluçom Bolivariana.
Nas sessons a realizar em Corunha, Ferrol, Vigo e Compostela contamos com a presença de Gonzalo Gómez Freire, o jornalista de origem galego que dirige o portal contrainformativo e revolucionario Aporrea.org, principal exponte do movimento comunicativo bolivariano.
Também participará nesta gira Aramita Padrino Martínez, advogada das vítimas do golpe de Estado do ano 2002, actualmente o frente do juízo contra os comisários e polícias golpistas que assassinárom a manifestantes bolivarianos em Puente Llaguno e na Avenida Baralt de Caracas. Também é advogada das vítimas das masacres acontecidas na IV República: o caso de Yumare e o de Cantaura.

Convocatórias:

Corunha
Quarta-feira 7 de Janeiro no Centro Social Gomes Ganoso às 20.30 horas.

Vigo
Quinta-feira 8 de Janeiro na Aula de Cultura de Caixa Galiza às 20.30 horas.
Também participa David Nieves, Cónsul Geral da Republica Bolivariana da Venezuela na Galiza.

Ferrol
Sexta-feira 9 de Janeiro na Fundaçom Artábria às 20.30 horas.

Compostela
Quarta-feira 14 de Janeiro na Gentalha do Pichel às 20 horas.

Entrevista com Gonzalo Gómez Freire, um galego à frente do portal revolucionário venezuelano Aporrea

2008-12-30T16:29:00.000-08:00

(primeiralinha.org)

Coincidindo com a sua presença na Galiza, tivemos a sorte de conhecer o co-fundador e membro da equipa de publicaçom do portal bolivariano Aporrea, principal expoente comunicativo do movimento popular venezuelano. Gonzalo Gómez Freire, filho de galegos emigrados ao grande país sul-americano, surpreendeu-nos com o seu correcto uso oral do galego, idioma em que se desenvolveu esta extensa conversa com Maurício Castro.

Nela, o companheiro Gonzalo falou-nos das suas origens galegas, da realidade actual do processo revolucionário venezuelano e, em especial, do ámbito da comunicaçom como peça desse processo que, para ele, deve conduzir para a definitiva ruptura com o capitalismo.

Reproduzimos integralmente o conteúdo da entrevista, achando que toda ela será de grande interesse para os nossos leitores e leitoras.

Qual é o teu cargo e qual a tua funçom no portal Aporrea?

Eu fum um dos fundadores de Aporrea, a 14 de Maio do ano 2002, depois de ser superado o golpe de estado. Fago parte da equipa publicadora deste espaço de articulaçom do movimento popular que foi criado para enfrentar o golpe que se via vir.

O projecto é entom anterior ao golpe de estado...

Sim, aparece como organismo de expressom de um conjunto de organizaçons populares que se mobilizárom para enfrentar essa situaçom e que depois do 13 de Abril, quando afortunadamente é derrubado o breve governo de facto de Carmona e se recupera o poder para o presidente Chávez, demo-nos à tarefa de promover a realizaçom de um encontro nacional de organizaçons populares do país, em Setembro de 2002, e Aporrea foi o portal de publicaçom dos textos do encontro, umha espécie de Congresso, de debate e discussom em torno das experiências e perspectivas da Revoluçom Bolivariana.

De carácter nacional ou local?

Fundamentalmente, das organizaçons populares de Caracas. Depois, Aporrea despreende-se da sua origem, pois a Assembleia Popular Revolucionária era um organismo temporário, para enfrentar umha situaçom. De facto, também noutras ocasions voltárom a formar-se articulaçons populares, por exemplo, aquando da paralisaçom e sabotagem petroleira, nos anos 2002 e 2003.

As frentes de resposta som, portanto, pontuais, mas a página web Aporrea mantivo-se, convertendo-se numha espécie de agência de notícias e espaço alternativo que começou a ser utilizada polas pessoas ligadas ao processo revolucionário. Aí aderírom pessoas de muitos lugares do país e também de fora. O fundador, comigo, de Aporrea, foi Martín Sánchez, engenheiro informático que estava fora do país e que quijo contribuir fazendo um site de denúncia contra o golpe de estado e ajudar a organizar a resistência. Mas nom deu tempo, porque o povo se mobilizou com muita mais rapidez do que nós.

Que exista um galego à frente de umha iniciativa popular venezuelana como esta é puro acaso, ou responde à presença significativa de compatriotas nossos nesse país e a um compromisso colectivo com a Revoluçom em curso?

Eu nom podo explicar Aporrea pola minha relaçom com a Galiza, mas sim podo falar de umha relaçom da Galiza com o meu processo de formaçom, que me leva a poder estar em iniciativas como esta. De algum jeito, através das conversas com meu pai, com as pessoas da emigraçom galega que havia em torno dele, como Celso Emílio Ferreiro, nos anos 70, muitos dos quais eram portadores da noçom e da mensagem galeguista influírom na minha formaçom política e fam parte das minhas raízes, para além de eu ser filho de galegos.

Isso está no germe da minha sensibilidade e da formaçom dos meus primeiros conceitos ideológicos, pola via do meu pai e do ambiente dos galegos progressistas colados à ideia da Galiza como povo, como naçom. Acho que isso tivo, sim, umha influência para o caminho que eu tomei posteriormente.

Digo-che isto porque já sabes que no exílio americano o melhor de toda umha geraçom de galegos e de galegas acabou recalando como conseqüência da repressom que se desatou no Estado espanhol durante a ditadura. A Venezuela também acolheu umha parte dessa geraçom, como a Argentina, o Uruguai, o México...

Sim, eu podo lembrar como meu pai falava da Guerra Civil, dos contactos e amizades dele. Lembro umha figura significativa para a Galiza, como foi Pepe Velo, que depois ficaria famoso polo assunto do Santa Maria. Meu pai deixou escritas umhas memórias que, Renascer de esperanças, memórias de Antón Dopazo, publicadas na Internet, na secçom cultural de Aporrea, que se chama Encontrarte. Nelas, conta muita cousa que tem a ver com a emigraçom galega junto às suas experiências. Isso todo é parte do que eu levo dentro de mim, com certeza.

Fala-nos agora um pouco de qual é a situaçom do processo revolucionário, sobretodo depois das últimas eleiçons, em que se reafirmoua vitória do movimento Bolivariano mas, paradoxalmente, a oposiçom burguesa conseguiu algumhas vitórias parciais importantes, como na própria capital. Que leitura fás desses resultados e que perspectivas se abrem para o movimento popular?

Sim, coincido nisso que estás a dizer-me, mas, antes de entrarmos no tema, queria ainda falar-che brevemente de que na Venezuela há galegos que tenhem um grande compromisso com o processo revolucionário bolivariano, e que venhem já desde o início. É o caso de Farruco Sesto Novás, que foi ministro da Cultura e agora está em Vivenda e que, coincidindo com a presença de Celso Emílio na Venezuela, começou a escrever poemas em galego e promoveu actividades culturais. Depois, estivo na fundaçom de organizaçons políticas importantes na Venezuela. Tivemos também, durante algum tempo, umha ministra do Trabalho, Maria Cristina Iglésias, de origem galega, que hoje integra a Direcçom Nacional do PSUV. Portanto, há uns rastos e umha fidelidade às origens.

Sobre a situaçom da Venezuela hoje, podemos dizer que os resultados eleitorais reflectírom umha recuperaçom do voto do chavismo em relaçom à votaçom da reforma constitucional. Podemos falar de mais de 80% de controlo das alcaldias e de quase todas as governaçons, mas houvo uns casos de relevo em que a oposiçom conseguiu introduzir umhas cunhas de significaçom estratégica. É o caso da alcaldia metropolitana, que abrange Caracas, a capital, ainda que haja outros concelhos, como o Município Libertador, que ficou em maos do chavismo, com Jorge Rodríguez. Também o estado Miranda, o de Carabobo (industrial manufactureiro), Tachira, Zúlia (petroleiro)... a oposiçom sai derrotada em conjunto, mas consegue conquistas, que representam um perigo para o processo revolucionário.

Coloca-se um desafio porque conseguírom concentrar o voto das zonas onde está a maior parte da populaçom de classe média e classe média-alta, sectores mais ou menos abastados, e que som muito refractários ao governo; arrastárom umha parte do voto popular, impedindo, por exemplo, que Aristóbulo Istúriz fosse eleito, apesar da vitória bolivariana em áreas populares como Libertador.

Os meios da direita dim que estám a conseguir penetrar com o seu discurso em zonas tradicionais trabalhadoras, mudando o discurso duro anterior e assumindo parte da linguagem chavista. O que há de certo nisso?

Eles tentam aparentar isso, mas os votos da direita nom aumentárom em termos absolutos. Tenhem um tope que nom ultrapassam, mas sim aconteceu que nom todo o povo chavista foi votar com o entusiasmo de, por exemplo, as eleiçons presidenciais de 2006. É mais um fenómeno de abstençom alta no chavismo, de pessoas que nom querem que Chávez perda o governo, que valorizam os benefícios obtidos, mas que também podem ter certo descontentamento ou certo desencanto por cousas que nom estám a ser resolvidas.

É mais isso do que o aumento do voto de direita nas classes populares, que nom aumentou significativamente. O desafio é que o conjunto do povo se manifeste, para o qual é necessário um sinal da dirigência no sentido de assumir que irá polas mudanças de maneira conseqüente. Há que atacar problemas que ainda persistem na Venezuela, que tenhem a ver com o burocratismo, com a corrupçom, com dificuldades na gestom pública... porque as pessoas podem estár a beneficiar-se de melhorias gerais no nível da saúde, da educaçom, de serviços sociais, da queda importante do índice da pobreza e de mortalidade, da subida do índice de desenvolvimento humano, mas se houver problemas, por exemplo, no tratamento dos resíduos urbanos, concentraçom de lixo e outros problemas imediatos podem fazer esquecer outros benefícios que as pessoas estám a afazer-se a ter.

Há ainda respostas de advertência e de castigo para alguns sectores da dirigência bolivariana.

Achas, Gonzalo, que essa leitura que tu fás é partilhada pola dirigência e que haverá umha rectificaçom no sentido positivo?

Toda revoluçom é complexa e contraditória, nada é redondinho e perfeito. Na unidade, há também pugnas que fam parte das expressons da luita de classes, que nom se dá só entre a oposiçom da direita e o movimento bolivariano ou a esquerda em geral. Dentro do processo há sectores com diferentes pontos de vista, diferente origem e composiçom social, diferentes interesses... e isso é normal. É, por outra parte, um prodígio que sectores militares tenham sido permeados por camadas procedentes do povo, dos estratos pobres, e que também ali ficassem as ideias da esquerda anti-imperialista, produzindo-se a insurgência do movimento bolivariano, liderado por Chávez. Isso nom é comum. Se, além disso, quigermos que hasteiem as bandeiras do marxismo e umha concepçom ideológica acabada, socialista e revolucionária, isso é esperar de mais. Tem havido um processo paulatino, com saltos, e que está relacionado com o histórico confronto com a direita e com o imperialismo, que vai levando a tomar posiçom.

Em definitivo, considero que as mudanças vam depender nom tanto da dirigência como de nós, das organizaçons sociais e dos organismos de poder popular que estám a ser desenvolvidos, as organizaçons operárias, camponesas, a juventude... na medida que se produzir mobilizaçom para enfrentar a direita e o imperialismo, a revoluçom vai ir radicalizando-se e poderá avançar-se para definiçons mais precisas.

Pensas que também a nível continental podemos falar nesses termos?

Sim, considero que é um processo próprio e interno da América Latina. O que acontece na Bolívia ou no Equador pode ser alimentado polo que acontece na Venezuela, mas tem as suas próprias raízes. Todo isto combina-se, fortalece-se mutuamente, e a Venezuela é hoje umha referência continental de grande impacto. Os povos estám a avançar, a mobilizar-se e a confrontar os governos mais de direita e conservadores. Há luitas no Peru, na Colômbia, cujo regime assassina constantemente dirigentes sindicais, onde há paramilitarismo, umha espécie de subestaçom do império.

Além da persistência da Revoluçom Cubana, dos processos que se estám a verificar na América Central, na Bolívia, no Equador, outros governos mais moderados, mas que ajudam a estabelecer outra regras e outras correlaçons de forças e ganham espaços de soberania face à dominaçom das transnacionais e a dominaçom do imperialismo... as regras movem-se e a cousa avança na América Latina.

Na crise internacional do capitalismo, vê-se mais clara a alternativa do socialismo, ou polo menos o capitalismo como algo que nom dá para mais. Isto também favorece o avanço do processo revolucionário, entrando assim num quadro em que os povos vam ver-se forçados a mobilizar-se para defender as suas conquistas, em que os espaços de soberania terám que ser demarcados de maneira mais concreta, e com um imperialismo que está em dificuldades. Se nom avançamos para o estabelecimento de governos dos trabalhadores, dos camponeses, das classes populares, anti-imperialistas que coloquem o socialismo como alternativa de sociedade, o que pode vir é a barbárie mais absoluta, mas nessa luita é que estamos...

Na Europa existe um discurso mui forte no sentido de que Hugo Chávez estivesse a hegemonizar a comunicaçom, a calar a boca à oposiçom, mas sabemos que a hegemonia económica continua em maos dos de sempre. Por outra parte, estám a abrir-se espaços comunicativos de base como o que Aporrea representa. Fala-nos da situaçom comunicativa na Venezuela.

Na realidade, a Venezuela é ainda um país capitalista. O Estado é herdeiro da Quarta República e sectores da oligarquia tenhem ainda hoje importantes posiçons lá dentro, controlam mais de 80% dos media, da rádio, da TV, da imprensa. A recuperaçom do sinal de Rádio Caracas TV ao nom ser-lhe renovada a concessom estatal por a terem utilizado para promover a derrocada violenta do governo legítimo nom implicou umha mudança substancial.

Os meios alternativos achamos que é necessária umha reforma da Lei de Telecomunicaçons, pois ainda hoje nom há limites. Nós pensamos que, para começar e por agora, deve entregar-se um terço dos meios nas maos das comunidades, das organizaçon sociais e dos organismos do poder popular.

Hoje nom há quotas e mais de dous terços da comunicaçom estám em maos oligarcas, ficando 15% a repartir entre o Estado e a comunicaçom comunitária, que nom vai além dos 3%.

Isto é bem significativo, pois há mais de 300 meios comunitários alternativos, rádios populares estabelecidas assemblearmente, onde há cabimento para a vizinhança e as suas expressons sociais nos bairros. Essa é umha conquista muito relevante, mas é ainda mui pouco para a perspectiva de umha comunicaçom do socialismo. Temos que conquistar um sistema público em maos das comunidades, dos trabalhadores dos meios de comunicaçom, onde estejam presentes as expressons do povo no seu conjunto, incluídos os indígenas. Isso, mesmo pertencendo ao Estado, deve ficar sob controlo social. Isso pode ser feito na Venezuela e isso é o que propomos, a partir da modificaçom da Lei de Telecomunicaçons, para irmos ganhando influência e redistribuir o espaço radioeléctrico.

Tal como há um latifundismo no campo, há também um latifundismo no espaço radioeléctrico, com os seus próprios latifundiários, açambarcadores de espaços comunicativos para minorias. Há famílias de banqueiros com televisons regionais e nacionais, enquanto as organizaçons de trabalhadores nom tenhem. É umha desigualdade social intolerável, pois a comunicaçom nom pode ser só mercadoria: é um direito humano. Nom deve servir para estabelecer comércio e explorar a publicidade nem infundir a ideologia dos ricos. Deve estar ao serviço de todo o povo.

Na Venezuela de hoje só se tomárom medidas contra meios que promovêrom crimes e massacres, Radio Caracas TV, deixando de ser-lhe renovada umha concessom, simplesmente. Qualquer pessoa pode ver na Venezuela que se permite a oposiçom ameaçar de morte o presidente, cousa inimaginável em qualquer outro país. A liberdade de expressom que existe é extraordinária em relaçom a outros países.

O vosso portal é um dos mais visitados a nível mundial, no ámbito das publicaçons alternativas. Que papel aspirades a cumprir a partir de agora?

Nós, na realidade, nom escolhemos o nosso papel. Fôrom as usuárias e os usuários que o figérom, as cousas fôrom acontecendo e nós fomos administrando o que acontecia, fôrom aparecendo reporteiros que narravam o que acontecia nas manifestaçons, por exemplo, a violência da polícia da oposiçom... isso começou a aparecer no nosso site, e nós administramos essa dinámica do processo revolucionário no terreno dos meios alternativos.

Nom temos umha equipa centralizada que tome decisons sobre a publicaçom. Todo o enquadrado no processo revolucionário é publicado, sob condiçons muito elementares, como o sustento das denúncias, umha linguagem tolerável e a responsabilidade polo que se di.

Trabalhadores, camponeses, indígenas... assumem Aporrea como ferramenta para informar sobre as suas luitas, fazendo informaçom em primeira pessoa, constituindo-se em agência de notícias do próprio movimento. Nós recolhemos isso e publicamo-lo. Na medida que o movimento popular se vaia fortalecendo, irám surgindo outros meios de comunicaçom de cada movimento. Nom queremos ser um ente profissionalizado, mas servir ao movimento como canal de expressom e comunicaçom, nos termos que as pessoas determinarem de maneira democrática.

Há, contodo, críticas revolucionárias e nós damos cabimento ao debate, pois sem debate nom há dinámica. Só nom damos espaço aos sectores ligados à oligarquia, que já tenhem os seus meios. Nós somos independentes do governo e funcionamos de maneira autogerida, sem nos supeditarmos a ninguém.

Agradecemos ao companheiro Gonzalo que nos tenha dedicado estes minutos para dar a conhecer no seio do povo trabalhador galego essa experiência comunicativa alternativa que é Aporrea, e transmitimos-che o orgulho que para nós constitui a presença de um galego, de origem galeguista e progressista, à frente de um projecto como este. Temos certeza que no futuro continuaremos a coincidir na luita comum pola derrota do capitalismo e a vitória do socialismo.

Eu quero mandar umha mensagem para que as organizaçons progressistas e anti-imperialistas podam encontrar em Aporrea um meio de expressom nom só na solidariedade com a luita bolivariana, mas também para darem a conhecer as luitas que existem na Galiza.

Opiniom: Vitória dos socialistas venezuelanos nas decisivas eleiçons de 23N

2008-11-27T18:09:00.000-08:00

Polo seu enorme interesse reproduzimos integramamente a análise sobre os resultados eleitorais na Venezuela realizada polo intelectual marxista norteamericano James Petras.

O pró-chavista Partido Socialista Unido da Venezuela (PSPV) conquistou 72% dos cargos de governador que estavam em jogo nas eleiçons de 23 de Novembro e obtivo 58% de voto popular, contradizendo assim a maioria dos inquéritos pro-capitalistas e a quase totalidade dos meios, que davam como favorita a oposiçom.
Os candidatos do PSUV derrotárom os governadores saintes da oposiçom em três estados (Guaro, Sucre e Aragua) e perdêrom dous (Miranda e Tachira). A oposiçom conserva o poder num centro turístico (Nueva Esparta) e ganhou em Tachira, um Estado fronteiriço com a Colômbia, Carabobo e o Estado petrolífero de Zulia, além de lograr inesperadas vitórias no populoso Miranda e na alcaldia de Caracas. A vitória socialista tem um especial significado, porque a percentagem total de votos atingido –65% do censo– representa a maior participaçom cidadá de todas as eleiçons nom presidenciais anteriores. As prediçons propagandísticas dos inquéritos, segundo as quais um elevado número de votantes favoreceria a oposiçom, nom eram mais que ilusons sem fundamento.

A importáncia da vitória socialista é evidente se a situarmos num contexto histórico comparativo:
1. Poucos partidos da Europa, América do Norte e do Sul –se é que há algum– tenhem conservado um grau tam alto de apoio popular nas eleiçons livres e abertas.
2. O apoio maciço ao PSUV tivo lugar num momento de medidas económicas radicais, incluída a nacionalizaçom de importantes monopólios capitalistas privados do cimento, o aceiro, as finanças e outros.
3. Os socialistas ganhárom apesar da queda de 70% no preço do petróleo, a fonte principal de rendimentos do país (desde 140 a 52 dólares o barril), e se o figérom é porque o governo tem mantido a maioria dos subsídios dos seus programas sociais.
4. O eleitorado foi mais selectivo na hora de votar os candidatos chavistas –recompensando os que administrárom adequadamente os serviços governamentais e castigárom os que ignorárom ou nom respondêrom as exigências populares. Incluso se o presidente Chávez fijo campanha a favor de todos os candidatos, os votantes nom seguírom as suas palavras de ordem alá onde existia ressentimento contra os chavistas saintes, tal como sucedeu em Miranda com o governador Diosdado Cabello e com o presidente da Cámara da capital do Distrito de Caracas. As vitórias socialistas devêrom-se a um deliberado voto de classe e nom simplesmente a um reflexo de identificaçom com o presidente Chávez.
5. A decisiva vitória do PSUV proporciona as bases necessárias para fazer frente com medidas socialistas ao profundo colapso do capitalismo mundial, sem ter que sangrar os fundos do Estado para resgatar da bancarrota a bancos e empresas capitalistas. A debacle do capitalismo facilitará a socializaçom da maioria dos sectores económicos chave. Grande parte das companhias venezuelanas estám enormemente endividadas com o Estado e com os bancos locais. O governo de Chávez pode agora exigir-lhes que reembolsem as suas dívidas ou entreguem as chaves, o qual constituiria umha transiçom indolora e eminentemente legal ao socialismo.
Os resultados das eleiçons assinalam a profunda polarizaçom existente entre a direita dura e a esquerda socialista. Os governadores ex-chavistas social-democratas de centro fôrom praticamente suprimidos do mapa político. O direitista vencedor no Estado de Miranda, Henrique Capriles Radonsky, tentou queimar a Embaixada de Cuba durante o fracassado golpe militar de Abril de 2002 e o governador eleito de Zulia, Pablo Pérez, tem sido um candidato eleito a dedo polo ultradireitista governador Rosales.
Incluso se os governadores estatais e os presidentes de cámaras municipais da oposiçom podem servir de plataforma para atacar o governo nacional, a crise económica limitará em grande medida a quantidade de recursos disponíveis para manter os serviços e aumentará a sua dependência do governo federal. Um ataque frontal contra os gastos estatais e locais do governo de Chávez numha guerra partidista poderia conduzir à diminuçom dos subsídios federais e provocaria o descontentamento das bases. A direita avançou por mor das suas promessas de melhorar os serviços nacionais e locais e de terminar com a corrupçom e o favoritismo. Se utilizasse novamente a sua anterior política de compadreio e um obstrucionismo extremo perderia apoio popular e com isto limitaria as suas esperanças de transformar estes avanços locais em poder nacional. Os recém eleitos governadores e presidentes de cámaras municipais da oposiçom necessitam a cooperaçom e o apoio do governo federal, sobretodo no contexto da profunda crise que estamos a atravessar, ou entom poderá perder apoio popular e credibilidade.

Conclusom
Nom cabe esperar que os meios de comunicaçom reconheçam a vitória socialista. O seu esforço por magnificar o significado desses 40% de voto eleitoral que optou pola oposiçom e a sua vitória em 20% dos estados era predizível. Sem dúvida os socialistas avaliarám criticamente os resultados durante o período pós-eleitoral e é de esperar que reflictam sobre como seleccionar os futuros candidatos, fazendo fincapé na sua actuaçom em assuntos locais por cima da sua lealdade ao presidente Chávez e ao "socialismo". A tarefa mais imediata e urgente a que se enfrenta o PSUV, o presidente Chávez, os legisladores e os novos funcionários eleitos consiste em pôr em andamento um plano estratégico socioeconómico de conjunto para capear o colapso global do capitalismo, empresa difícil de levar a cabo perante a abrupta queda do preço do petróleo e dos rendimentos federais e o inevitável declínio do gasto governamental. Chávez prometeu manter todos os programas sociais, incluso se os preços do petróleo se mantiverem à volta dos 50 dólares o barril. Trata-se claramente de umha posiçom positiva e defensável se o governo reduz os elevados subsídios ao sector privado e nom se embarca em salvar companhias privadas da bancarrota. Apesar de que as reservas estatais de 40 mil milhons de dólares podem servir temporariamente para amortecer o golpe, o certo é que o governo, com o apoio das suas maiorias no ámbito federal e estatal, necessita tomar decisons difíceis e nom simplesmente imprimir dinheiro, o qual faria que disparasse o défice, se desvolorizasse a moeda e aumentassem as já elevadas taxas de inflaçom anual (31% no mês de Novembro).
A única estratégia razoável consiste em tomar o controlo do comércio exterior e supervisar directamente as cúpulas dirigentes dos sectores produtivo e distributivo, assim como estabelecer prioridades para preservar o nível de vida das massas. Com o fim de contrarrestar a ineptitude burocrática e neutralizar os funcionarios folgazans, o poder real e o controlo devem ser transferidos aos trabalhadores organizados e aos conselhos autónomos de consumidores e de bairro. O passado recente revela que o mero facto de eleger presidentes de cámaras municipais ou governadores socialistas nom basta para assegurar a posta em marcha de políticas progressistas e a gestom dos serviços básicos. Um governo representativo liberal (incluso com socialistas eleitos) requer um mínimo de controlo e de pressom populares para tomar decisons difíceis e estabelecer prioridades no meio de umha crisie económica prolongada e cada vez maior.

AGARB celebrou vitória bolivariana e socialista

2008-11-27T18:02:00.000-08:00

Domingo 23 de Novembro celebrava-se na Venezuela a consulta popular número 14 desde a chegada do comandante Hugo Chavez à presidência da República. As forças bolivarianas conquistárom 17 das 22 governaçons, e o Partido Socialista Unido de Venezuela (PSUV) 81% das alcaldias, 265 das 327.

Para celebrar esta vitória na tarde-noite da segunda-feira 24 a AGARB realizou em Vigo um encontro com a colónia venezuelana e simpatizantes da Revoluçom bolivariana.
O acto contou com a presença do companheiro Pedro Ugueto, Cônsul venezuelano na Galiza, quem analisou o mapa eleitoral explicando os avanços, mas também os retrocessos deste processo eleitoral.

David Nieves denuncia genocídio espanhol no dia da “Hispanidade”

2008-10-14T15:51:00.000-07:00

Consideramos de grande interesse difundir o que os meios de comunicaçom espanhóis operantes na Galiza silenciárom, na sua habitual tónica de ocultar todo aquilo que nom compartilham.
A intervençom do Cônsul Geral da República Bolivariana da Venezuela na Galiza, David Nieves, no tradicional acto da “Hispanidade” organizado no dia 12 de Outubro em Baiona pola Deputaçom Provincial de Ponte Vedra, tivo nesta ocasiom umha inesperada surpresa.

O representante do Estado venezuelano na nossa naçom, perante as autoridades civis, militares e eclesiásticas, denunciou sem ambigüidades o genocídio e a colonizaçom praticada por Espanha no continente americano e nas Caraíbas.
Tal como se pode constatar no vídeo que parcialmente reproduz as justas e valentes palavras do companheiro David Nieves, parte do público assistente increpou o representante da República Bolivariana da Venezuela na Galiza, entre o nervosismo e o desconcerto das autoridades espanholas.

Autoridades, minhas senhoras, meus senhores. Boa tarde.

Primeiramente, quero agradecer no nome de todo o corpo consular, termos sido convidados a intervir neste acto em Baiona, porto do retorno; porto que possui umha grande importáncia histórica, já que aqui foi onde se tivo a primeira notícia de que algo novo nascia sob os céus, quando em Março de 1493 Martin Alonso Pinzón arribou às costas de Baiona após a sua viagem à América, convertendo esta vila na primeira de Europa que soubo a notícia de um novo acontecimento, do chamado, com pronunciaçom e olhar eurocêntrico: novo mundo.

Existe un ditado castelhano, idioma dos colonizadores, que reza: “Lo cortés no quita lo valiente” e como tal actuo; hoje no meu país, na República Bolivariana da Venezuela, e em muitos outros como na Argentina, Paraguai, Uruguai, Chile, Bolívia, Equador, Honduras, Nicarágua, Guatemala e Cuba, esta data tem um significado distinto.

Tal como em quase toda a nossa América, comemoramos o dia do genocídio perpetrado por mercenários, delinqüentes, filibusteiros, obrigados em troca da sua liberdade a abordarem as três naus financiadas por Isabel de Trastámara, apodada a Católica, e por alguns cortesaos e achegados que, como bem é sabido por todos, procuravam riqueza e poder.

Hoje 12 de Outubro, na Venezuela e em quase toda a América, comemora-se o dia da resistência indígena. Quando 6 anos mais tarde, na sua terceira viagem de 1498, Cristovo Colombo pisa terra venezuelana e nos narra a história de que ele e os seus homens fôrom recebidos con cortesia, respeito e temor polos indígenas da zona, mas para as hordas e o tropel de foragidos que chegáron nos buques de Colombo começou umha etapa colonizadora a ferro e fogo. Por isso hoje rendemos honor e glória aos nossos indígenas que acabárom vencidos polos exércitos enviados por Isabel a Católica.

Como lhes dixem antes: “Lo cortés no quita lo valiente” e no meu carácter de Cônsul Geral da Venezuela nom podia rejeitar o seu convite, posto que para mim é um incomensurável honra poder representar todo o corpo consular, integrado por pessoas de umha plural representaçom política.

Hoje queremos manifestar sinceramente o nosso respeito ao Reino de Espanha e ao governo espanhol, que componhem um Estado democrático que nada tem que ver com aquele reino das Espanhas obscurantistas, que submeteu a Galiza com um plano chamado “doma e castraçom”, expulsando judeus e mouriscos.

Galegos somos todos, ou galegos somos muitos, e nom encontro palavras para me fazer entender. No nosso gabinete ministerial da República Bolivariana da Venezuela, o ministro da Vivenda é um honorável arquiteto viguês, o compatriota Farruco Sexto; a nossa ex-ministra de Trabalho, Maria Cristina Iglésias, é descendente de galegos; o director do diário digital, Aporrea, é um galego nascido na Corunha; também poderia assinalar que no nosso consulado trabalham empregados nascidos na Venezuela filhos de galegos, e que na Venezuela habitam cerca de 260.000 galegos. Nom sei quantos há na Argentina, nom sei quantos no Uruguai; nem no México. Nom sei quantos em Cuba, mas sim sei que Fidel e Raúl castro som filhos de galegos, e que Eduardo Lage, presidente da Assambleia Popular, e Manuel Pinheiro, ex-chefe de inteligência da República de Cuba, também som filhos de galegos.

Ora bem, por sorte também nós formamos parte de umha nova América. De aquela a que Simón Bolívar jurou libertar, estando no Monte Sacro de Roma, perante o seu mestre Simón Rodríguez, onde dixo “a civilizaçom que tem soprado de oriente, tem mostrado aqui todas as suas faces, tem feito ver todos os seus elementos; mas enquanto a resolver o grande problema do homem em liberdade, parece que o assunto tem sido desconhecido e que o despejo de essa misteriosa incógnita nom ha de verificar-se senom no novo mundo.”
“Juro diante de você; juro polo deus dos meus pais; juro por eles; juro pola minha honra, e juro pola minha pátria, que nom darei descanso ao meu braço, nem repouso a minha alma, até que tenha partido as cadeias que nos oprimem por vontade do poder espanhol”.

Todas as celebraçons tenhem de servir de reflexom, fundamentalmente, se nom carecem do carácter supostamente festivo e civilizador que fam da raça humana a única raça! Ou o género humano, como vocês prefirirem. Olhem de frente esses outros congéneres que arribam a qualquer parte, em pateras ou cayucos, para descobrir um novo mundo para eles, escapando da fame da que vocêes, galegos e galegas, sabem, talvez mais do que nengum outro povo do mundo.

Permitam-me dizer-lhes no nome do meu país e do colectivo que represento, que sentimos amor, muito amor por vocês. Ao mesmo tempo, lembro-lhes que Espanha deve muito à América, e hoje em tempos difíceis recebemos a sua mao amiga e oferecemos-lhes a nossa.

Agora que começo a ler a sua grande poeta nacional, a precursora do resurgimiento da sua cultura, Rosalia de Castro, começo a saber e compreender o povo galego quando ela exige num dos seus poemas:
Castelhanos de Castela tratade bem os galegos
quando vam, vam como rosas,
quando vêm, como negros

Povo Caraquenho manifestou o seu apoio ao comandante Hugo Chavez

2008-09-17T02:19:00.000-07:00

Oligarquia insiste em derrocar governo venezuelano

2008-09-17T01:07:00.000-07:00

A pouco mais de dous meses das eleiçons municipais e regionais convocadas para 23 de Novembro a oligarquia venezuelana continua planificando e tentando executar planos golpistas para recuperar o poder que de forma democrática perdeu há umha década.

A recente detençom de cinco oficiais da Força Armada Nacional Bolivariana, -umha parte deles na reserva-, constata a consistência e veracidade das denúncias amplamente questionadas polo establishment espanhol, dos permanentes planos golpistas promovidos pola embaixada dos Estados Unidos em conivência com as grandes empresas de comunicaçom ao serviço da oligarquia.

A corrupta classe política que durante décadas alternou a gestom do governo na funesta IV República como se a Venezuela fosse um campo petrolífero privado, pretende desesperadamente assassinar ao Presidente Hugo Chávez Frias ocupando ilegitimamente o palácio de Miraflores para voltar a entregar os sectores estratégicos da economia nacional aos interesses americanos e das multinacionais europeias.

Nesta ocasiom a conspiraçom que vem de ser desarticulada forma parte de um plano golpista mais amplo promovido e reactivado polos falcons de Washington na etapa crepuscular da administraçom Bush.

O respaldo à ofensiva fascista fomentando o separatismo contra o legítimo governo de Evo Morales na Bolívia que vem de obter um respaldo eleitoral superior ao 67%; a prévia desestabilizaçom do governo argentino mediante umha greve dos grandes produtores agrícolas; a justificaçom das massacres de populaçom civil e assassinatos políticos de sindicalistas e opositores por parte do governo narco-para-terrorista de Álvaro Uribe; a criminalizaçom da insurgência colombiana; o criminoso bloqueio contra Cuba; a beligerância contra o governo equatoriano; as tentativas de assassinato de dirigentes revolucionários como Narciso Isa Conde; e a activaçom da IV Frota após mais de meio século, formam parte de um mesmo fio condutor tendente a recuperar a hegemonia perdida.

Os Estados Unidos de América pretendem contra a vontade dos povos americanos e caribenhos implementar pola força das armas umha versom actualizada da velha doutrina expansionsita Monroe para apoderar-se das imensas riquezas minerais e energéticas do continente que podam contribuir a perpetuar a sua hegemonia mundial em claro e irreversível declive.

Mas cada vez som mais os povos americanos que apostam pola plena recuperaçom da sua soberania e independência fazendo realidade o projecto emancipador de Simom Bolívar.

Na hora da segunda e definitiva independência da grande Pátria Americana a Associaçom Galega de Amizade com a Revoluçom Bolivariana (AGARB) manifesta a sua solidariedade com o governo e o povo venezuelano e com todos aqueles governos e movimentos populares que com firmeza mantenhem políticas anti-imperialistas e de redistibuiçom da riqueza na procura do benestar e superaçom das misérias de séculos de colonialismo.

Apelamos ao conjunto do povo trabalhador galego e as organizaçons políticas e sociais da Galiza a manifestar umha inequívoca e activa solidariedade com a Venezuela bolivariana frente as intoleráveis injerências e planos golpistas promovidos polos USA, e a ambigüidade do governo espanhol à hora de denunciar e condenar esta nova tentativa de alterar pola força a legalidade institucional.

Sem outro particular recebei umha saudaçom bolivariana e anti-imperialista de

Xavier Moreda
Coordenador da AGARB

Vigo, Galiza, 16 de Setembro de 2008

PRISA censura democracia venezuelana

2008-07-29T04:16:00.000-07:00

No programa “La Ventana” da “Cadena SER” foi convidado o intelectual de esquerda Carlos Fernández Liria para dar a sua opiniom sobre a visita do presidente da República Bolivariana da Venezuela ao Estado espanhol.
Desde os estudos de Ávila debatia com William Cárdenas, presidente da “Plataforma Democrática de Venezolanos", umha organizaçom da extrema-direita, que nom duvidou em reproduzir as habituais falácias golpistas.

Aos poucos minutos do início do debate e perante a clara denúncia realizada por Carlos Fernández Liria da provada participaçom e apoio de PRISA ao golpe de estado contra o governo legítimo de Chávez em 2002 a locutora forçou o seu abandono da emissora.

Polo seu interesse reproduzimos este debate truncado que mostra a verdadeira natureza dos meios de comunicaçom

AGARB participou nos actos comemorativos do 5 de Julho

2008-07-13T11:22:00.000-07:00

Umha delegaçom da Associaçom Galega de Amizade com a Revoluçom Bolivariana participou activamente nas iniciativas do Consulado da República Bolivariana da Venezuela na Galiza para comemorar o Dia Nacional coincidindo com o 197 aniversário da independência.
Na manhá do sábado 5 de Julho foi depositado um ramo de flores no monumento a Simon Bolívar em Vigo.

Posteriormente, na terça-feira 8 de Julho interviu no acto realizado no Museu Verbum, Casa das Palavras de Vigo após a intervençom do Cónsul Geral David Nieves Banchs. Reproduzimos integramente o seu discurso.

Boa tarde amigas e amigos, companheiras e companheiros:

14 de Agosto de 1805, no Monte Sacro, em Roma, Simón Bolívar proclamava diante de Simón Rodríguez e do seu amigo Francisco Rodríguez del Toro que nom descansaria enquanto nom libertasse toda a América do domínio espanhol. O lugar tinha grande valor simbólico umha vez que fora palco do protesto dos pleveus contra os aristócratas na Roma antiga.

Em 1806, ainda na Europa, Bolívar tomou conhecimento dos primeiros movimentos em favor da independência da Venezuela, protagonizados polo general Francisco de Miranda, decidindo que chegara a ocasiom de retornar ao seu país natal e cumprir a sua palavra. Como era previsível cumpriu com a dívida contraída solenemente.
5 de Julho de 1811 era proclamada a independência.

Nós, hoje, a Associaçom Galega de Amizade com a Revoluçom Bolivariana, como no passado sábado ante o monumento ao libertador, queremos honrar ao povo trabalhador da Venezuela revolucionária e anti-imperialista no 197 aniversario da derrota do colonialismo espanhol.
Desde aqui, desde Vigo, a maior cidade da Galiza, da naçom mais ocidental da Europa, desde onde partiram milhares de galegas e galegos fugindo da fame; exilados e exiladas políticos, fugidas da violência fascista, emigrantes que a Venezuela acolheu com as maos abertas, queremos mostrar a nosso sincero e profundo agradecimento ao povo venezuelano.

A generosidade da Venezuela também permitiu a criaçom da retaguarda para a nosa luita de libertaçom nacional e social, fornecendo umha base para construir organizaçons antifranquistas e revolucionárias.Porque amigas e amigos, companheiras e companheiros, Galiza, o povo galego, ao igual que em 1811 Bolívar e hoje o processo encabeçado polo Comandante Hugo Chavez, necessita soberania para poder sair do atrasso que nos condena o capitalismo e a dependência espanhola.

Hoje sentimos dor e vergonha de pertencer a umha Europa desmemoriada e xenófoba que dicta umha chamada diretiva do retorno, indigna e que se submete, mimética, à vontade de delincuentes como Berlusconi ou de políticos- espectáculo como Sarkozy ao ritmo de umha banda sonora, um novo cd, cantada pour la premier dame de la République Française: comme si de rien n´ètait. O titulo é bem premonitorio, significativo; como se nada fora poderia ser o hino à passividade cúmplice dos cínicos, dos que falsamente se apresentam como progressistas.

O nosso compromisso nasce com umha olhada de reciprocidade; carente de eurocentrismo, como modesto contributo de simpatizantes e activistas da esquerda soberanista, a finalidade de impulsionar projectos e intercâmbios desde a solidariedade internacionalista; parte substancial da identidade e vocaçom da esquerda.

Venezuela e o seu processo necessita de mais amigos e mais amigas. Luitaremos, na nossa medida, contra a desinformaçom e a distorsom informativa perfeitamente desenhada polas grandes corporaçons que operan em Latinoamérica e as Caraíbas a través de jornalistas e de jornais oficiosos e colaboracionistas.

A nossa luita anti-imperialista também é a luita contra a manipulaçom informativa. O governo dos EEUU, império em profunda decadência moral e econômica, é o protótipo por antonomásia, de governo imperialista, promotor de todo tipo de acçons paralelas alegais e ilegais contratadas mesmo desde a Casa Branca; buque insígnia da privatizaçom do estado (a propriedade pública gerida como privada; como simulacro e sinônimo de eficácia). A infámia de Guantánamo é só um exemplo da sua impunidade. Dizer que recorrem a "práticas proibidas" é superabundar no aumento da compilaçom de eufemismos nos que superam aos próprios nazis.

A Associaçom Galega de Amizade com a Revoluçom Bolivariana queremos ser umha ferramenta crítica e solidária que difunda na Galiza o processo revolucionário da Venezuela. O nosso compromisso implica umha nova linguagem para umha nova situaçom de esperança como já entenderam os precursores dum marxismo com linguagem própria como Mariátegui que foram parte e assumiram os movimentos de libertaçom alá onde surgissem.
Muitas e muitos, acreditamos que esta atitude internacionalista, com nova olhada de reciprocidade, é parte intrínseca de luita anti-imperialista contra a globalizaçom neoliberal que socava a democracia potenciando a deslocalizaçom, a precariedade laboral, as agressons ambientais, aniquilando sem escrúpulos culturas e povos, pretendendo apropriar-se de vastas zonas virgens da Amazonia.

Hoje a República Bolivariana da Venezuela vive, interpreta e escreve, de umha nova maneira, o socialismo do século XXI. O seu exemplo é de esperança para as excluídas e os excluídos, para os pobres do mundo: vontade de vencer que nos contagia com o seu processo emancipador. É a herdeira orgulhosa do projecto continental de Simon Bolivar.
Representa a soberania dos povos, umha via para segunda e real independência abraçando, como nom podia ser de outro jeito, o caminho do Socialismo.

Viva a República Bolivariana da Venezuela!!

5 de Julho, Dia Nacional da Venezuela: Com a Revoluçom Bolivariana, pola independência e a soberania nacional, contra o imperialismo

2008-07-03T03:38:00.000-07:00

A Associaçom Galega de Amizade com a Revoluçom Bolivariana estará presente nas diversas iniciativas convocadas polo Consulado da República Bolivariana da Venezuela na Galiza para comemorar o seu Dia Nacional coincidindo com o 197 aniversário da independência.

Os actos programados som os seguintes:
Sábado 5 de Julho às 12 horas. Oferta floral no monumento a Simón Bolívar na Rua Venezuela de Vigo. Intervirá o Cónsul Geral David Nieves Banchs.
Terça-feira 8 de Julho às 18 horas. Museu Verbum. Casa das Palavras de Vigo. Festa com a intervençom do grupo venezuelano Tricolor, intervençom do Cónsul Geral, e inauguraçom da exposiçom “Venezuela indígena”.

Ambos actos som abertos e públicos. A AGARB chama a todas as pessoas amigas e simpatizantes do processo revolucionário bolivariano a assistir.

A AGARB já é umha realidade

2008-07-03T03:37:00.000-07:00

Às 12,20 horas do sábado 7 de Junho dava início a primeira assembleia, de carácter aberto e público, da Associaçom Galega de Amizade com a Revoluçom Bolivariana.
Xavier Moreda, em nome do Comité Promotor da iniciativa, conduciu o desenvolvimento do encontro nacional onde fôrom aprovados os documentos a debate.

O coordenador realizou umha valorizaçom cronológica dos passos dados desde Setembro de 2007 até a data da Assembleia fundacional, sublinhando a importáncia da sintonia entre a AGARB e o Consulado da República Bolivariana da Venezuela em Vigo, imprescindível para umha cooperaçom estreita entre as duas entidades e o fornecimento, por parte do Consulado, de informaçom e apoio logístico para difundir na Galiza o processo revolucionário em curso.

Por unanimidade fôrom aprovados os Princípios e o Manifesto da AGARB.
Posteriormente a Assembleia aprovou a Junta Directiva Provisória constituida pol@s companheir@s que formavam parte do Comité Promotor: José Antom Gonçales Maceiras, Berta Lopes Permui, Daniel Lourenço Mirom, Francisco Manrique González Rodriguez, Carlos Morais, Xavier Moreda e Noa Rios Bergantinhos, com a incorporaçom de José Fernández Rodríguez, Vitor M. Gonçales Rodrigues, Xurxo Martinez Crespo e Franklin Méndez.

Pedro Ugueto, Cónsul da República Bolivariana da Venezuela na Galiza, transmitiu o seu apoio explícito à Assembleia e a enorme satisfaçom que sentia como revolucionário venezuelano e como representante na Galiza do governo de Hugo Chávez com a criaçom da AGARB.

Seguidamente a Assembleia constituinte da AGARB acordou delegar na Mesa a elaboraçom da acta da Assembleia, envio do comunicado de imprensa informando da nossa constituiçom, a ediçom do Manifesto e dos objectivos da associaçom para difundir nos actos do Dia da Pátria, assim como a preparaçom de um blogue e a logística imprescindível para começar a funcionar.

A Junta Directiva Provisória ficou responsabilizada de elaborar um projecto de Estatutos e convocar umha nova Assembleia, a segunda, para o mês de Setembro, onde debater e aprovar o regulamento interno de funcionamento para iniciar posteriormente o processo de legalizaçom da associaçom.

Princípios da Associaçom Galega de Amizade com a Revoluçom Bolivariana (AGARB)

2008-07-01T06:06:00.000-07:00

A Associaçom Galega de Amizade com a Revoluçom Bolivariana (AGARB) é umha organizaçom popular sem ánimo de lucro, enquadrada nos parámetros da esquerda soberanista e anticapitalista galega, cujos principais objectivos som:

1º- Difundir na Galiza o processo revolucionário em curso na República Bolivariana da Venezuela.

2º- Apoiar a luita anti-imperialista e a prol da construçom do socialismo neste país irmao.

3º- Procurar apoios e adesons à causa bolivariana entre o povo trabalhador galego.

4º- Impulsionar projectos de cooperaçom, intercâmbio, solidariedade e conhecimento mútuo entre o povo galego e o povo venezuelano.

5º- Recuperar e difundir os históricos laços de amizade entre a Galiza e a Venezuela.

6º- Reforçar a luita anti-imperialista e anticapitalista, pola soberania e independência nacional no caminho de Socialismo.

Manifesto da Associaçom Galega de Amizade com a Revoluçom Bolivariana (AGARB)

2008-07-01T03:43:00.000-07:00

Após a queda dos regimes burocráticos identificados com o modelo soviético e a longa ofensiva neoliberal imposta polo imperialismo na América Latina, umha nova época começa a abrolhar na Pátria Grande de Bolívar.

A tenaz, heróica e incansável luita por um novo mundo que, durante décadas e na maior das solidades, mantivo e mantém acesa a Revoluçom cubana, a insurgência colombiana e as diversas resistências e luitas populares multicolores dos povos indígenas, afro-americanos, das mulheres, da juventude, da classe obreira, de pobres e excluídos sociais, fecundou na actualidade.

Na alvorada do novo século XXI, é umha realidade tangível e esperançosa o despertar dos povos da América Latina a recolher o latejar, o fluir das experiências, dos combates, na esteira do melhor pensamento e luitas americanas fundidas com os contributos do marxismo revolucionário. Desde José Martí, Artigas, Sucre, Manuel Rodríguez e Bolívar; passando por Emiliano Zapata, Farabundo Martí, Augusto César Sandino e Carlos Mariátegui; Carlos Fonseca, Roberto Santucho, Carlos Marighella, Miguel Enriquez, Che Guevara e Fidel; até Manuel Marulanda e Hugo Chávez; há um interminável e dialéctico fio condutor que a memória e luitas colectivas populares foi capaz de sintetizar e enriquecer.

Assim, hoje os povos da América escrevem umha nova página na libertaçom e emancipaçom da humanidade contra a criminosa fase neoliberal do capitalismo. Neste processo, a República Bolivariana da Venezuela ocupa um lugar destacado. O processo revolucionário em curso está a servir como catalisador para consolidar e reforçar as luitas pola soberania nacional, contra o neoliberalismo e o imperialismo ao longo do continente.

Perante as vitórias e o exemplo que a Venezuela emana para @s excluíd@s e @s pobres do mundo, para @s humilhad@s e carentes de esperança, o imperialismo emprega todos as armas de que dispom para desqualificar, caricaturar, manipular a verdadeira magnitude e objectivos da Revoluçom Bolivariana e do emancipador projecto continental que representa.

Porém cumpre preparar-se contra a nova ofensiva do império norteamericano de recolonizaçom dos povos da América Latina e as Caraibas. Empantanado nos campos de batalha asiáticos, atrapado numha crise sistémica de conseqüências incalculáveis, frustradas as expectativas que ingenuamente certos sectores depositárom na presidência de Barack Obama, uns Estados Unidos, ferido de morte, vam tentar atrassar o seu declínio imperial apoderando-se das fontes energética, recursos naturais, da grande biodiversidade da Amazonia e do conjunto da grande Pátria de Bolívar. Primeiro foi a activaçom da IV Frota, depois o golpe de estado nas Honduras, logo a instalaçom de sete novas bases na Colômbia, e agora a invasom do Haiti sob a coacctada de ajuda humanitária. Mais alá de qualquer superstiçom que a realidade ciclicamente desmente os Estados Unidos necessitam manter umha agressiva prática imperialista, que forma parte intrínseca da sua natureza genética-, para poder perpetuar-se e garantir o nível de vida e consumo de umha parte considerável da sua populaçom.

Os Estados Unidos avançam no cerco aos governos populares de orientaçom soberanista e anti-imperialista, persistemna sua obsessom por derrotar militarmente à insurgência revolucionária colombiana.

Há que evitar que o complexo militar-industrial sediado em Washington logre os seus perversos objectivos. O melhor antídoto para frear o imperialismo sem lugar a dúvidas é a aprofundaçom da via socialista na Venezuela derrotando as forças contrarrevolucionárias que procuram desestabilizar o governo de Hugo Chávez e afastando do governo e as instituiçons a boliburguesia.

A dia de hoje o futuro do processo corre sérios perigos pola penetraçom do paramilitarismo fascista colombiano, origem de boa parte dos assassinatos de dirigentes camponeses e líderes sindicais operários, polo incremento do narcotráfego, dos subornos, pola impunidade de umha burguesia golpista que promove sabotagens, terrorismo mediático e desestabilizaçom social, pola política agressiva do governo narco-paraterrorista colombiano.

A orientaçom seguida nos dez anos de processo tem-se manifestado insuficiente e inadequada para inclinar a balança definiticamente face o campo operário e popular, para atingir umha correlaçom de forças favorável ao bloco popular. Nom há possibilidades de coexistir. Há que destruir o estado burguês e o sistema capitalista gerador da corrupçom e ineficácia que deforma, adultera e devora algumhas das conquistas revolucionárias. A inflaçom, a crise energética e de água, a deliqüência e inssegurança nas grandes cidades, as dificuldades para manter e aprofundar nos programas sociais em saúde e educaçom.

A Revoluçom Bolivariana na Venezuela acha-se numha encruzilhada: ou bem rompe com o capitalismo de estado vigorante, acaba com a burocracia parasita, com a burguesia endógena, abandona as posiçons duvitativas, conciliadoras e pactistas avançando na construçom de um genuino poder popular apoiado em milícias camponesas e obreiras, ou corre o risco de retroceder e ser derrotada provocando um revês e frustraçom continental de graves conseqüências para o campo revolucionário, com o conseguinte desprestígio do projecto socialista a escala mundial. Em Dezembro de 2007 encenderom-se as alertas com a ajustada derrota no referendo da reforma constitucional. Mas desde aquela, embora se lançou a palavra de ordem de revisom, rectificaçom e reimpulso, o governo ameaça, berra mas aperta pouco.

O imperialismo nom o tem fácil. Hoje a consciência e autoorganizaçom popular é muito superior a de há umha década. Porém é imprescindível redobrar esforços em fazer frente a campanha de intoxicaçom e descrédito permanente que os meios de comunicaçom da burguesia espanhola e galega realizam contra o presidente Hugo Chávez e o processo bolivariano.

Por este motivo, da periferia do centro capitalista europeu, de um povo carente de soberania chamado Galiza, conhecedor da rapina imperialista, da lógica predadora do capitalismo, nasceu a Associaçom Galega de Amizade com a Revoluçom Bolivariana (AGARB) para modesta e humildemente contribuir no apoio à luita do povo venezuelano contra o imperialismo e em prol do socialismo.

A Venezuela foi um dos países americanos que generosamente durante décadas acolheu dezenas de milhares de galegas e galegos que, na fugida da pobreza a que o capitalismo espanhol submete a Galiza, procurárom umha vida melhor. Também serviu como retaguarda para a luita de libertaçom nacional e social, acolhendo dúzias de exilad@s e fornecendo umha base para construir organizaçons revolucionárias.

O povo galego tem umha dívida histórica com a Venezuela que está na hora de começarmos a ir saldando.

Os principais objectivos da Associaçom Galega de Amizade com a Revoluçom Bolivariana som difundir na Galiza o processo revolucionário em curso na República Bolivariana da Venezuela; apoiar a luita anti-imperialista e em prol da construçom do socialismo neste país irmao; procurar apoios e adesons à causa bolivariana entre o povo trabalhador galego; impulsionar projectos de cooperaçom, intercámbio, solidariedade e conhecimento mútuo entre o povo galego e o povo venezuelano; recuperar e difundir os históricos laços de amizade entre a Galiza e a Venezuela; e reforçar a luita anti-imperialista e anticapitalista, pola soberania nacional no caminho de Socialismo.

Pátria, Socialismo ou Morte!

Antes mort@s que escrav@s!

Vigo, Galiza, 6 de março de 2010

Ligaçons

2008-06-10T02:26:00.000-07:00

:: Governo Bolivariano de Venezuela
:: aporrea.org
:: Agência Bolivariana de Notícias
::Venezolana de Televisión
:: Tirem as Mãos da Venezuela